પોરબંદરમાં સગીરાના અપહરણ અને બળાત્કારના કેસમાં આરોપીને ૨૦ વર્ષની સ્પેશ્યલ પોકસો કોર્ટે સજા ફટકારી છે.
વર્ષ ૨૦૧૯માં પોરબંદરમાં અભિષેક દુષ્યંત સવનીયા સામે બળાત્કાર અને પોકસો  સહિત અપહરણની ફરિયાદ નોંધાઇ હતી. આ કામના ફરીયાદ પક્ષના કેસની  ટુંકમાં હકીકત એવી છે કે, આ કામના ફરીયાદી પોરબંદર મુકામે રહે છે. ભોગ બનનાર ફરીયાદીની પુત્રી થાય છે. બનાવ સમયે ભોગ બનનાર સગીરવયના હતા અને તેની સાથે આરોપીને પરિચય હતો. આરોપીએ તા. ૮-૧-૨૦૧૯ના રોજ રાત્રીના બાર વાગ્યા પછી ભોગ બનનાર ફરીયાદીના કાયદેસરના વાલીપણામાં રહેલ હોય તેને ફરીયાદીની જાણ બહાર તેના ઘરેથી મોટરસાયકલમાં લઇ જઇ તેણી સાથે તેણીની ઇચ્છા અને મરજી વિ‚ધ્ધ તેણીની આબ‚ લેવાના ઇરાદે શારીરિક અડપલા કરેલ અને શારીરિક સંબંધ બાંધી -બળાત્કાર કરી અને ભોગ બનનાર સાથે ઉગ્ર પ્રવેશ જાતીય હુમલો કરેલ. તે મતલબના આક્ષેપ સાથે ફરીયાદીએ આરોપી વિ‚ધ્ધ ફરિયાદ આપેલ છે. ફરીયાદી દ્વારા ઉપરોકત હકીકતે કમલાબાગ પોલીસ સ્ટેશનમાં પોતાની ફરિયાદ હકીકત જાહેર કરેલ અને ફરીયાદ આધારે કમલાબાગ પોલીસ સ્ટેશનમાં ભારતીય દંડ સંહિતાની કલમ તથા પોકસો એકટની કલમ-૬,૧૨ મુજબની ફરિયાદ દાખલ કરવામાં આવેલ. આ કામે પ્રોસીકયુશન તરફે પબ્લિક પ્રોસીકયુટર સુધિરસિંહ બી. જેઠવા રોકાયેલ હતા. જેઓ દ્વારા ૨૬ જેટલા દસ્તાવેજી પુરાવાઓ તથા કુલ ૧૪ જેટલા સાહેદો તપાસવામાં આવેલ હતા. તથા સરકાર તરફે દલીલ કરવામાં આવેલ હતી. જે અનુસંધાને કોર્ટ દ્વારા ઉપરોકત કામે રજુ કરવામાં આવેલ મૌખિક તથા દસ્તાવેજી પુરાવાઓ તેમજ બન્ને પક્ષોની દલીલો સાંભળી આ કામના આરોપી અભિષેક દુષ્યંતભાઇ સવનીયાને ઉપરોકત ગુન્હાના કામે કસુરવાન ઠરાવી પોરબંદરના એડી. ડીસ્ટ્રીકટ એન્ડ સેશન્સ જજ કે.એ. પઠાણની કોર્ટ દ્વારા ૨૦ વર્ષની સખત કેદની સજા તા. ‚ા. ૨૨,૦૦૦નો દંડ ફટકારતો હુકમ કરવામાં આવેલ છે.