જિલ્લા પંચાયતમાં કારનો કોન્ટ્રાકટ છે તેમ કહી કાર અને ડિપોઝિટ લઈ ગયા બાદ પરત ન આપી છેતરપિંડી આચરવાના ગુનામાં નાસ્તા ફરતા રેલનગરમાં રહેતા શખસને ક્રાઈમ બ્રાન્ચની ટીમ જામનગર રોડ પાસેથી ઝડપી લીધો હતો. પોલીસે આરોપી પાસે કાર કબ્જે કરી ધોરણસરની કાર્યવાહી હાથ ધરી હતી.

જાણવા મળતી વિગતો મુજબ, ક્રાઈમ બ્રાન્ચ પીઆઇ એમ.આર.ગોંડલીયાની રાહબરી હેઠળ પીએસઆઇ એમ.જે.હત્પણ તથા તેમની ટીમ પેટ્રોલિંગમાં હતી દરમિયાન હેડ કોન્સ્ટેબલ અમિતભાઈ અગ્રાવત, કોન્સ્ટેબલ કિરતસિંહ ઝાલાને મળેલી બાતમીના આધારે પ્રધુમનનગર પોલીસ સ્ટેશનમાં નોંધાયેલા છેતરપિંડીના ગુનામાં નાસ્તા ફરતા આરોપી પ્રિયેશ નરેન્દ્રભાઈ દવે(ઉ.વ ૨૯ રહે. દ્રારકા એપાર્ટમેન્ટ લેટ નંબર ૧૨૦૩, રેલનગર)ને જામનગર રોડ પર સાંઢિયા પુલ પાસેથી ઝડપી લીધો હતો. પોલીસે આરોપી પાસેથી ટાટા ઇન્ડિંગો કાર કબજે કરી હતી.

વધુમાં જાણવા મળતી વિગતો મુજબ, તારીખ ૧૫૧૨૨૦૨૩ ના આરોપી પ્રિયેશ દવે સામે પ્રધુમનનગર પોલીસ સ્ટેશનમાં છેતરપિંડીની ફરિયાદ દાખલ થઈ હતી. જેમાં જણાવ્યું હતું કે, આરોપીએ ફરિયાદીને વિશ્વાસમાં લઈ પોતાને જિલ્લા પંચાયતમાં કારનો કોન્ટ્રાકટ છે. જો તમે આ કોન્ટ્રાકટમાં તમારી કાર મુકશો તો દર મહિને રૂપિયા ૨૮,૫૦૦ ભાડું મળશે તેવું કહ્યું હતું.બાદમાં ફરિયાદી પાસેથી ડિપોઝિટના પિયા ૨૮૦૦૦ હતા તેમજ ફરિયાદીની ઇન્ડિગો કાર નંબર જીજે ૩ ડીજી ૩૩૧૭ આરોપી લઈ ગયો હતો.ત્યારબાદ માસિક ભાડું કે કાર પરત ન આપી પિયા ૧.૭૮ ઓળવી જવા અંગે આ ફરિયાદ નોંધાવવામાં આવી હતી.