ડીસામાં પાંચ અને ભાવનગરમાં બે ડિગ્રી લઘુતમ તાપમાનમાં ઘટાડો થયો છે અને તેના કારણે ત્યાં ઠંડી વધી છે. રાયના અન્ય મોટાભાગના વિસ્તારોમાં લઘુતમ તાપમાનમાં સામાન્ય વધઘટ થવા પામી છે. જોકે દિવસ દરમિયાનનું મહત્તમ તાપમાન એકાએક ઝડપભેર નીચે ઉતરી જતા સૂર્યનારાયણના દર્શન સાથે જ શ થઈ જતી ગરમીને બ્રેક લાગી છે.
ડીસામાં ગઈકાલે ૧૭.૬ અને આજે ૧૩.૫ ડિગ્રી લઘુતમ તાપમાન નોંધાયું હતું. ભાવનગરમાં ૧૯.૨ ડિગ્રી ગઈકાલે લઘુત્તમ તાપમાન હતું તે આજે ઘટીને ૧૭.૫ ડિગ્રી થઈ ગયું છે. ભુજમાં ગઈકાલે ૧૭.૩ અને આજે ૧૬.૩,નલિયામાં ગઈકાલે ૧૪.૮ અને આજે ૧૩,દ્રારકામાં ગઈકાલે અને આજે બંને દિવસ ૨૦.૬ ડિગ્રી લઘુતમ તાપમાન રહ્યું છે. ઓખામાં આજનું લઘુતમ તાપમાન ૨૩.૩ ડિગ્રી છે જે ગઈકાલના ૨૪.૭ ડીગ્રીની સરખામણીએ એકાદ ડિગ્રી જેટલું ઓછું છે. પોરબંદરમાં અને રાજકોટમાં ઠંડીના પ્રમાણમાં ખાસ ફેરફાર થયો નથી. પોરબંદરમાં ગઈકાલે ૧૫.૮ અને આજે ૧૫.૬ રાજકોટમાં ગઈકાલે ૧૫.૩ અને આજે પંદર ડિગ્રી લઘુતમ તાપમાન રહ્યું છે. વેરાવળમાં બે ડિગ્રીના ઘટાડા સાથે આજનું લઘુતમ તાપમાન ૧૮.૨ ડિગ્રી નોંધાયું છે. આજે અમદાવાદમાં ૧૬ વડોદરામાં ૧૩.૨ સુરતમાં ૧૯ ડિગ્રી લઘુતમ તાપમાન રહેવા પામ્યું છે.
ત્રણ દિવસ પહેલા રાયના અનેક વિસ્તારોમાં મહત્તમ તાપમાન ૩૨ થી ૩૫ ડિગ્રી વચ્ચે હતું તેમાં ઘટાડો થયો છે અને અમદાવાદ વડોદરા ભાવનગર જામનગર સહિત રાયના અનેક શહેરોમાં મહત્તમ તાપમાન ૩૦ ડિગ્રી નીચે આવી ગયું છે. ભુજમાં ૩૩ નલિયામાં ૩૨.૬ રાજકોટમાં ૩૨.૪ પોરબંદરમાં ૩૧.૫ ડિગ્રી મહતમ તાપમાન રહ્યું છે. ઓખામાં લઘુતમ અને મહત્તમ તાપમાન વચ્ચે માત્ર છ ડિગ્રીનો તફાવત છે. અહીં લઘુતમ તાપમાન ૨૩.૩ અને મહત્તમ તાપમાન ૨૯.૭ ડિગ્રી રહ્યું છે.
કાશ્મીરમાં થયેલી હિમવર્ષાના પગલે પંજાબ હરિયાણા સહિતના રાયોમાં ઠંડી વધી છે. સમગ્ર દેશમાં સૌથી નીચું તાપમાન આજે પંજાબના આદમપુરમાં માત્ર છ ડિગ્રી નોધાયું છે.
કેરલ સહિતના દક્ષિણના રાયોમાં છેલ્લા દસેક દિવસથી ભારે વરસાદ પડી રહ્યો છે અને આજે તો વાવાઝોડાની અસરના કારણે અતિ ભારે વરસાદ પડે છે. આમ છતાં શુક્રવારે સમગ્ર દેશમાં સૌથી ઐંચું તાપમાન કેરળમાં ૩૬.૨ ડિગ્રી નોંધાયું હતો.