અમદાવાદથી ભુજ વચ્ચે દોડતી દેશની આધુનિક 'નમો ભારત રેપિડ રેલ' ટ્રેનમાં મોડી રાત્રે કચ્છ જિલ્લામાં પ્રવેશતાની સાથે જ અચાનક ગંભીર ટેકિનકલ ખામી સર્જાઈ હતી. ટ્રેનમાં આવેલી આ આકસ્મિક ક્ષતિના કારણે તેને અધવચ્ચે જ રોકી દેવાની ફરજ પડી હતી, જેને પગલે ટ્રેનમાં મુસાફરી કરી રહેલા મુસાફરો મધ્યરાત્રિના ત્રણ કલાક સુધી અટવાયા હતા.
મળતી માહિતી અનુસાર, અમદાવાદથી મુસાફરોને લઈને ભુજ તરફ આવી રહેલી નમો ભારત રેપિડ ટ્રેન યારે તેના અંતિમ સ્ટેશન ભુજની નજીક આવેલા કુકમા રેલવે સ્ટેશન પાસે પહોંચી, ત્યારે તેમાં અચાનક પાવર અથવા મિકેનિકલ સિસ્ટમ ખોરવાઈ ગઈ હતી. આ ટેકિનકલ ક્ષતિ એટલી મોટી હતી કે ટ્રેન એક ઈંચ પણ આગળ વધી શકે તેમ નહોતી. પરિણામે, રેલવે પ્રશાસન દ્રારા તાકીદે ટ્રેનને કુકમા સ્ટેશન પર જ ઊભી રાખી દેવાનો નિર્ણય લેવાયો હતો.
રાત્રિના સમયે સામાન્ય રીતે એકાંત અને નિર્જન ગણાતા કુકમા સ્ટેશન પર હાઈટેક ટ્રેન અચાનક અટકી પડતાં મુસાફરોમાં ભારે ચિંતા અને દોડધામનો માહોલ જોવા મળ્યો હતો. એરકન્ડિશન્ડ (એસી) કોચમાં બેઠેલા મુસાફરોને લાંબા સમય સુધી ટ્રેન શ થવાની રાહ જોવી પડી હતી. આ ગંભીર ખામીના કારણે ટ્રેન અંદાજે ત્રણ કલાક જેટલા લાંબા સમય સુધી એક જ જગ્યાએ થંભી રહી હતી, જેના લીધે નાના બાળકો અને વડીલો સહિતના મુસાફરોમાં ભારે અફડાતફડી અને આક્રોશનો માહોલ સર્જાયો હતો.
ઘટનાની જાણ થતાં જ રેલવેના ટેકિનકલ સ્ટાફની ટીમ તાત્કાલિક સ્થળ પર દોડી ગઈ હતી. એન્જિનિયરો અને ટેકનિશિયનો દ્રારા ખામી સુધારવાના અનેક પ્રયાસો કરવામાં આવ્યા હતા, પરંતુ પ્રાથમિક તબક્કે ત્વરિત સફળતા મળી શકી ન હતી. સમય વીતતો જતાં મુસાફરોની ધીરજ ખૂટી રહી હતી અને રેલવે તંત્રની આધુનિક સુવિધાઓના દાવા સામે સવાલો ઉઠી રહ્યા હતા. અંતે પરિસ્થિતિ વધુ ન બગડે તે માટે રેલવે તત્રં દ્રારા તાત્કાલિક વૈકલ્પિક વ્યવસ્થા ઊભી કરવામાં આવી હતી. કુકમા સ્ટેશન પર અન્ય એક રેલવે એન્જિન મંગાવવામાં આવ્યું હતું અને ભારે જહેમત બાદ આ બીજા એન્જિનને નમો ભારત ટ્રેન સાથે જોડવામાં આવ્યું હતું.
આ વૈકલ્પિક એન્જિનની મદદથી ટ્રેનને મોડી રાત્રે જ તેના અંતિમ ડેસ્ટિનેશન એટલે કે ભુજ રેલવે સ્ટેશન સુધી સુરક્ષિત રીતે લાવવામાં આવી હતી. ભુજ સ્ટેશન પર પહોંચ્યા બાદ મુસાફરોએ રાહતનો શ્વાસ લીધો હતો અને પોતપોતાના ઘર તરફ રવાના થયા હતા. જોકે, નવી નકોર અને હાઈટેક ગણાતી નમો ભારત ટ્રેનમાં શઆતના સમયમાં જ આવી ગંભીર ટેકિનકલ ક્ષતિ સર્જાવાને કારણે મુસાફરોમાં રેલવે પ્રશાસન સામે ભારે આક્રોશ અને નારાજગી પણ જોવા મળી હતી