ખાંડ સ્વાસ્થ્યની અસલી દુશ્મન છે. વધુ પડતી ખાંડ ખાવાથી અનેક જીવલેણ રોગોનો ખતરો વધી જાય છે. સુગર સાયલન્ટ કિલર જેવું કામ કરે છે. શરીરમાં તેનું વધુ પ્રમાણ વજન વધવું, ડિપ્રેશન, હૃદયરોગ, ત્વચાને નુકસાન, ડાયાબિટીસ, કેન્સર, નબળી યાદશક્તિ, કિડનીની બીમારી, લીવરની બીમારી જેવા જીવલેણ રોગો તરફ દોરી શકે છે.

ખાંડની આડઅસરો અંગે, નેશનલ ઇન્સ્ટિટ્યૂટ ઑફ ન્યુટ્રિશન (NIN) અને ICMRએ સોફ્ટ ડ્રિંક્સ, જ્યુસ, કૂકીઝ, આઈસ્ક્રીમ, અનાજ, પેકેજ્ડ ફૂડ અને પીણાંમાં ખાંડની માત્રાને ઘટાડવાની ભલામણ કરી છે.

ખાંડ ખાવી કેટલી ખતરનાક?

ICMRએ ખાવા-પીવા સંબંધિત કેટલીક સૂચનાઓમાં ફેરફાર કર્યો છે. હવે બજારમાં વેચાતી ખાંડના ઉત્પાદનોનું નિરીક્ષણ FSSAI અને અન્ય ખાદ્ય નિયમનકારી સંસ્થાઓની જવાબદારી હેઠળ આવી ગયું છે. તમામ એજન્સીઓએ ખાંડને કારણે ઊભા થયેલા જોખમો અંગે ચિંતા વ્યક્ત કરી છે. તેના વધુ પડતા સેવનથી સ્થૂળતા, ડાયાબિટીસ અને કેન્સર પણ થઈ શકે છે. વધુ પડતી ખાંડ ખાવાથી હૃદય રોગ અને બ્લડ પ્રેશર જેવી સમસ્યાઓ પણ થઈ શકે છે.

બાળકોના ખાણી-પીણીમાં ખાંડનું પ્રમાણ વધારે

બાળકોના ભોજન માટે માત્ર ભારતીય જ નહીં પરંતુ વિદેશી કંપનીઓમાં પણ બનાવવામાં આવે છે. તેમાં વધુ ખાંડ હોય છે. આ અંગે ઘણા અહેવાલો આવ્યા છે પરંતુ અત્યાર સુધી કંપનીઓ તેને ગંભીરતાથી અનુસરતી નથી. મોટા ભાગના બ્રાન્ડેડ ખાદ્યપદાર્થો અને પીણાંએ તેમની રચનામાં ફેરફાર કરવાની જરૂર છે.

અતિશય ખાંડનું સેવન ગ્લુકોઝ 6-ફોસ્ફેટ (G6P) માં વધારો તરફ દોરી શકે છે, જે હૃદયના સ્નાયુના પ્રોટીનમાં ફેરફાર માટે જવાબદાર છે.

દરરોજ કેટલી ખાંડ ખાવી જોઈએ?

અમેરિકન હાર્ટ એસોસિએશને સલાહ આપી છે કે પુરુષોએ દિવસમાં 150 કેલરી અથવા લગભગ 36 ગ્રામથી  વધુ ખાંડ ન ખાવી જોઈએ, જ્યારે સ્ત્રીઓએ 100 કેલરી કે 24 ગ્રામથી વધુ ખંડ ન ખાવી જોઈએ. આ પ્રમાણથી વધુ ખાંડ ખાવી નુકસાનકારક હોઈ શકે છે.