2જી નવેમ્બરે યોજાનારી પાર્ટી માટે 250 શાહી લોકોને આમંત્રણ આપી દેવાયું
આ વખતે શાહરુખ ખાન તેનો જન્મદિવસ તેના પરિવાર અને ફિલ્મ ઈન્ડસ્ટ્રીના નજીકના મિત્રો સાથે ખૂબ જ ધામધૂમથી ઉજવવા જઈ રહ્યો છે. આ અવસર પર તે કેટલીક મોટી જાહેરાત પણ કરી શકે છે.જણાવી દઈએ કે 2જી નવેમ્બરે બાદશાહનો બર્થ ડે છે.
શાહરૂખ ખાનના 59માં જન્મદિવસે ગૌરી ખાને ગ્રાન્ડ પાર્ટી માટે 250 આમંત્રણો મોકલ્યા છે કિંગ ખાન કંઈક મોટી જાહેરાત કરશે તેવી અપેક્ષા શાહરૂખ ખાનના ફેન્સ રાખી રહ્યા છે.
બોલિવૂડના બાદશાહ 2જી નવેમ્બરે તેમનો જન્મદિવસ ઉજવશે. સુપરસ્ટાર આ વખતે પોતાનો 59મો જન્મદિવસ ઉજવવા જઈ રહ્યો છે અને લાગે છે કે તે ખૂબ જ ખાસ હશે. સમાચાર આવી રહ્યા છે કે શાહરૂખ ખાનના જન્મદિવસ પર એક ભવ્ય પાર્ટીનું આયોજન કરવામાં આવનાર છે. આ પાર્ટી માટે આમંત્રણ પણ મોકલવામાં આવ્યું છે. આ સિવાય કિંગ ખાન પોતાના જન્મદિવસ પર ફેન્સને મોટું સરપ્રાઈઝ પણ આપી શકે છે.
આ વખતે શાહરૂખ ખાન તેનો જન્મદિવસ તેના પરિવાર અને ફિલ્મ ઈન્ડસ્ટ્રીના નજીકના મિત્રો સાથે ખૂબ જ ધામધૂમથી ઉજવવા જઈ રહ્યો છે. સુપરસ્ટારની પત્ની ગૌરી ખાને પણ પોતાની ટીમ સાથે ભવ્ય કાર્યક્રમ માટે 250થી વધુ લોકોને આમંત્રણ મોકલ્યા છે. શાહરૂખ ખાનના જન્મદિવસની ઉજવણીમાં બોલિવૂડની હસ્તીઓ હાજરી આપશે.
આ સ્ટાર્સ કરશે જમાવટ
શાહરૂખ ખાનના જન્મદિવસની ઉજવણીના ગેસ્ટ લિસ્ટની વાત કરીએ તો તેમાં દીપિકા પાદુકોણ, રાની મુખર્જી, કાજોલ, કરીના કપૂર, સૈફ અલી ખાન, રણવીર સિંહ, કરિશ્મા કપૂર, એટલી, ઝોયા અખ્તર, ફરાહ ખાન, શનાયા કપૂર, મહિપ કપૂર, શાલિની પાસીનો સમાવેશ થાય છે. નીલમ કોઠારી, કરણ જોહર અને આલિયા ભટ્ટ જેવા સ્ટાર્સ સામેલ થઈ શકે છે. રિપોર્ટમાં એવો પણ દાવો કરવામાં આવ્યો છે કે શાહરૂખ ખાન તેની પત્ની ગૌરી, તેના બાળકો અને ગૌરીની માતા સાથે પ્રાઈવેટ ડિનર કરશે.
શાહરૂખ ખાન આપશે સરપ્રાઈઝ
એવું પણ કહેવામાં આવી રહ્યું છે કે શાહરૂખ ખાન તેના જન્મદિવસ પર તેના ચાહકોને એક મોટું સરપ્રાઈઝ આપવા જઈ રહ્યો છે. તે તેની પુત્રી સુહાના ખાન સાથે તેની આગામી ફિલ્મ 'કિંગ'ની જાહેરાત કરી શકે છે. આ દિવસોમાં શાહરૂખ ખાન પોતાના બાળકો આર્યન ખાન અને સુહાના ખાન સાથે દુબઈમાં છે. તેના પુત્ર આર્યનએ તેને દુબઈમાં પ્રી-બર્થ ડે પાર્ટી પણ આપી હતી જેમાં તે જોરશોરથી ડાન્સ કરતો જોવા મળ્યો હતો.