લોરેન્સ બિશ્નોઈ ગેંગની ધમકી વચ્ચે ભાઈજાને ખુશ ખબર આપતા ફેન્સ હરખાઈ પડ્યા
સલમાન ખાને તેની દ બેંગ ટૂરની જાહેરાત કરી છે. દુબઈમાં યોજાનારી આ ટુરમાં સલમાનથી લઈને સોનાક્ષી સિંહા પરફોર્મ કરશે.
લોરેન્સ બિશ્નોઈ ગેંગની ધમકી વચ્ચે સલમાન ખાને પોતાનું કામકાજ અને શુટિંગ શેડ્યુઅલ પૂર્વવત કરવાનું ચાલુ કર્યું છે અને તેના પગલે ફેન્સને જલસો પડી ગયો છે.
લોરેન્સ બિશ્નોઈ ગેંગ તરફથી સલમાન ખાનને સતત જાનથી મારી નાખવાની ધમકીઓ મળી રહી છે. આ દરમિયાન, સલમાન ખાને દુબઈમાં તેની દ બેંગ ટૂર જાહેર કરી છે. તેણે તેના સોશિયલ મીડિયા પર પોસ્ટ કરીને આ માહિતી આપી છે અને પ્રદર્શનની સૂચિ પણ શેર કરી છે.
સલમાને ઈન્સ્ટાગ્રામ પર દ બેંગ ટૂરનું પોસ્ટર શેર કર્યું
સલમાન ખાને તેના ઈન્સ્ટાગ્રામ પર આ ટૂરનું પોસ્ટર શેર કર્યું છે. સલમાન સિવાય સોનાક્ષી સિન્હા, જેકલીન ફર્નાન્ડીઝ, દિશા પટણી, તમન્ના ભાટિયા, પ્રભુ દેવા, આસ્થા ગિલ, મનીષ પોલ અને સુનીલ ગ્રોવર પણ તેમાં જોવા મળી રહ્યા છે.
શો ક્યારે થશે?
સલમાન ખાન ની આ ટૂર 7મી ડિસેમ્બર 2024ના રોજ દુબઈમાં થવાની છે. આ માટેની ટિકિટો મળવા લાગી છે. આ પ્રવાસ માટેની ટિકિટ પ્લેટિનિસ્ટ પર ઉપલબ્ધ છે. ટિકિટની કિંમત એઈડી 150 થી શરુ થઈને એઈડી 10 હજાર સુધી છે. ટૂરનું આયોજન સલમાન ખાન ના ભાઈ સોહેલ ખાનની કંપની દ્વારા કરવામાં આવી રહ્યું છે.
જણાવી દઈએ કે બાબા સિદ્દીકીની હત્યા બાદ સુપરસ્ટારની સુરક્ષા કડક કરી દેવામાં આવી છે. કાળિયાર શિકાર કેસમાં લોરેન્સ બિશ્નોઈ ગેંગ સલમાન ખાનને સતત ધમકીઓ આપી રહી છે. આવી સ્થિતિમાં સલમાનને Y પ્લસ સુરક્ષા આપવામાં આવી છે.લોરેન્સ બિશ્નોઈ ગેંગની ધમકીઓ છતાં સલમાન ખાન પોતાનું કામ કરી રહ્યો છે. બાબા સિદ્દીકીની હત્યા બાદ તેણે થોડા સમય માટે કામ પરથી બ્રેક લીધો હતો. પરંતુ હવે તે બિગ બોસ 18 હોસ્ટ કરી રહ્યો છે અને તેની એક્શન ફિલ્મ સિકંદરનું શૂટિંગ પણ કરી રહ્યો છે