પશ્ચિમ રેલવેમાં રાજકોટ ડિવિઝને માલ પરિવહન ક્ષેત્રે નવો ઇતિહાસ રચતા ૨૩ જૂન, ૨૦૨૬ના રોજ એક જ દિવસમાં સૌથી વધુ માલ લોડિંગની આવક મેળવવાનો નવો કીર્તિમાન સ્થાપિત કર્યેા છે. ડિવિઝને આ દિવસે ૨૦ રેકનું લોડિંગ કરીને છ૧૧.૨૨ કરોડની આવક મેળવી છે, જે અત્યાર સુધીની સૌથી વધુ દૈનિક માલ પરિવહન આવક છે.
સિનિયર ડીસીએમ સુનિલ કુમાર મીનાના જણાવ્યા અનુસાર, આ પૂર્વે ૨૭ ડિસેમ્બર, ૨૦૨૪ના રોજ રાજકોટ ડિવિઝને ૧૪ રેકના લોડિંગ દ્રારા રૂા.૧૦.૯૦ કરોડની આવક મેળવીને તે સમયનો સવોચ્ચ દૈનિક માલ પરિવહન રેકોર્ડ બનાવ્યો હતો. ત્યારબાદ ગઈકાલ ૨૩ જૂન, ૨૦૨૬ના રોજ ૮ રેક પેટ્રોલિયમ ઉત્પાદનો, ૩ રેક ૩ રેક એલપીજી, ૩ રેક ફર્ટિલાઇઝર, ૩ રેક મીઠું, ૨ રેક કન્ટેનર તેમજ ૧ રેક સિમેન્ટ વગેરે ગુડઝની ૨૦ રેકના લોડિંગ સાથે રૂા.૧૧.૨૨ કરોડની આવક મેળવીને ડિવિઝને આ રેકોર્ડને પાછળ છોડી નવો કીર્તિમાન સ્થાપિત કર્યેા છે.
આ લોડિંગ રિલાયન્સ રેલ ટર્મિનલ, નાયરા એનર્જી લિમિટેડ, ગુજરાત સ્ટેટ ફર્ટિલાઇઝર્સ એન્ડ કેમિકલ્સ લિમિટેડ, ટાટા કેમિકલ્સ લિમિટેડ, વિન્ડમિલ, લવણપુર, મોરબી અને દિગ્વિજય સિમેન્ટ સાઇડિંગ જેવા અગ્રણી ઔધોગિક એકમો અને સાઇડિંગ્સ પરથી કરવામાં આવ્યું હતું.
નાણાકીય વર્ષ ૨૦૨૫–૨૬માં રાજકોટ ડિવિઝને માલ પરિવહનમાંથી રૂા.૨૨૩૮.૩૪ કરોડની આવક મેળવી હતી. એક જ દિવસમાં રૂા.૧૧.૨૨ કરોડની રેકોર્ડ આવક મેળવીને ડિવિઝને પોતાની ઓપરેશનલ કાર્યક્ષમતા, વ્યાવસાયિક ક્ષમતા અને ગ્રાહક–કેન્દ્રી કાર્યપ્રણાલીનું વધુ એક ઉત્કૃષ્ટ્ર ઉદાહરણ રજૂ કયુ છે.
ડિવિઝનલ રેલવે મેનેજર ગિરિરાજ કુમાર મીનાએ નોંધપાત્ર સિદ્ધિ ડિવિઝનની બિઝનેસ ડેવલપમેન્ટ યુનિટ (બીડીયુ)ની ટીમ તથા કોમર્શિયલ, ઓપરેટિંગ, મિકેનિકલ, એન્જિનિયરિંગ, ઇલેકિટ્રકલ અને અન્ય વિભાગોના અધિકારીઓ તેમજ રેલવે કર્મચારીઓ દ્રારા કરવામાં આવેલા સંકલિત પ્રયાસોને આભારી હોવાનું જણાવી સંબંધિત અધિકારીઓ અને કર્મચારીઓને અભિનંદન પાઠવ્યા છે.