પોરબંદર માં હાલ સ્વચ્છતા હી સેવા અંતર્ગત સફાઈ અભિયાનના થયા ઠેર ઠેર આયોજન કરવામાં આવી રહ્યા છે. અને અધિકારીઓ સહિત નેતાઓ સાવરણા હાથમાં પકડીને ફોટો સેશન કરાવી રહ્યા છે. પોરબંદરમાં પણ જાહેરમાં ક્યાંય ગંદકી ફેંકવામાં આવે તો નગરપાલિકાનું તંત્ર લાલ આંખ કરીને નોટિસ પણ પાઠવી રહ્યું છે. પરંતુ મહત્વની બાબતે છે કે જ્યાં અનેક સરકારી કચેરીઓ ધમધમે છે તેવી જિલ્લા સેવાસદન બેની ઇમારતની બહાર કચરો મોટી માત્રામાં ફેંકવામાં આવી રહ્યો છે. ખુદ તંત્ર દ્વારા જ અહીંયા કચરો કરવામાં આવે છે અને તેમ છતાં પોરબંદર નગરપાલિકાનું તંત્ર વહીવટી તંત્ર સામે મોઢામાં મગ ભરીને બેસી જાય છે. સામાન્ય માણસો અને તેની મિલકતો તથા સરકારી અધિકારીઓ અને સરકારી કચેરીઓ વચ્ચેના સફાઈ ના નિયમો અંગે તંત્ર શા માટે ભેદભાવ દાખવી રહ્યું છે? તેવો સવાલ શહેરીજનો ઉઠાવી રહ્યા છે.(તસ્વીર: જિજ્ઞેશ પોપટ)