એલસીબી ઝોન–૧ ની ટીમે ઢેબર રોડ પાસેથી ચોરાઉ બાઇક સાથે રીઢા આરોપીને ઝડપી લીધો હતો. પોલીસે આ શખસની પૂછતાછ કરતા તેણે આ બાઈક બાલભવનના ગેટ પાસેથી ચોરી કર્યાની કબુલાત આપી હતી.ડીસીપી ઝોન–૧ હેતલ પટેલની સુચના હેઠળ એલ.સી.બી ઝોન–૧ ના પી.એસ.આઇ એમ.કે. મોવલીયાની રાહબરીમાં ટીમ પેટ્રોલિંગમાં હતી. દરમિયાન એએસઆઈ મનપગીરી ગૌસ્વામી, હેડ કોન્સ્ટેબલ જગદીશસિંહ પરમાર, રવિરાજભાઈ પટગીરને મળેલી બાતમીના આધારે ઢેબર રોડ રોકડીયા હનુમાન મંદિર સામેથી એક શખસને શંકાસ્પદ બાઇક સાથે ઝડપી લીધો હતો. પોલીસે આ શખસની પૂછતાછ કરતા તેણે પોતાનું નામ નરેશ ઉર્ફે ટીનો છગનભાઈ જોગિયાણી (ઉ.વ.૩૭ રહે. રેસકોર્સ માધવરાવ સિંધિયાના ગેટ પાસે બગીચાની ફટપાથ) હોવાનું જણાવ્યું હતું. પોલીસે આ શખસ પાસેથી બાઈકના કાગળ માંગતા તે ગલ્લા તલ્લા કરવા લાગ્યો હતો જેથી પોલીસે તેની અટક કરી હતી.
શંકાસ્પદ બાઇક સાથે ઝડપાયેલા આ શખસની પોલીસે સઘન પૂછતાછ કરતા આ બાઈક તેણે બાલભવનના ગેટ સામેથી ચોરી કર્યાની કબુલાત આપી હતી. જે અંગે પ્ર.નગર પોલીસ સ્ટેશનમાં ગુનો નોંધાયો હતો. પોલીસે પિયા ૨૦,૦૦૦ ની કિંમતનું આ બાઈક કબજે કરી કાયદેસરની કાર્યવાહી કરી હતી. ઝડપાયેલા નરેશ ઉર્ફે ટીના સામે અગાઉ રાજકોટના ભકિતનગર, તાલુકા અને પ્ર.નગર પોલીસ સ્ટેશનમાં દા, ચોરી, જાહેરનામા ભગં સહિતના નવ ગુના નોંધાય ચૂકયા છે. આ કામગીરીમાં એલસીબી ઝોન–૧ ના પીએસઆઇ એમ.કે. મોવલીયાની રાહબરીમાં એએસઆઇ હરેશભાઈ પરમાર, મનપગીરી ગૌસ્વામી, હેડ કોન્સ્ટેબલ હિતેન્દ્રસિંહ ઝાલા, જગદીશસિંહ પરમાર, હિતેશભાઈ પરમાર, નરેન્દ્રભાઈ ગઢવી, કોન્સ્ટેબલ મહાવીરસિંહ ચુડાસમા, નિખિલભાઇ પીરોજીયા અને રવિરાજભાઈ પટગીર સાથે રહ્યા હતા.