​​​​​​​કીર સ્ટારમર બ્રિટનના નવા વડા પ્રધાન તરીકે ચૂંટાયા પછી, પીએમ મોદીએ શનિવારે તેમની સાથે ફોન પર વાત કરી અને તેમને તેમની જીત પર અભિનંદન આપ્યા અને તેમને ભારત આવવાનું આમંત્રણ પણ આપ્યું. બંને દેશોના વડાઓએ એફટીએ ડીલને ટૂંક સમયમાં અંતિમ સ્વરૂપ આપવા માટે પણ સંમત થયા હતા અને બંને દેશો વચ્ચેના સંબંધોને વધુ ગાઢ બનાવવાની જરૂરિયાતનો પુનરોચ્ચાર કર્યો હતો.

વડા પ્રધાન નરેન્દ્ર મોદીએ બ્રિટનના નવા વડા પ્રધાન કિઅર સ્ટારમર સાથે વાત કરી અને તેમને વડા પ્રધાન તરીકે ચૂંટાવા બદલ અભિનંદન પાઠવ્યા. નોંધનીય છે કે બ્રિટનમાં તાજેતરમાં યોજાયેલી સામાન્ય ચૂંટણીમાં લેબર પાર્ટીએ ઐતિહાસિક જીત હાંસલ કરી હતી. 650માંથી 412 બેઠકો કબજે કરી અને 14 વર્ષ બાદ સત્તામાં પરત આવી હતી.

લેબર પાર્ટીના વરિષ્ઠ નેતા કિર સ્ટારમર બ્રિટનના નવા વડાપ્રધાન તરીકે ચૂંટાયા છે. શનિવારે તેમની સાથે વાત કરતા વડા પ્રધાન મોદીએ તેમને બ્રિટનના વડા પ્રધાન તરીકેનો કાર્યભાર સંભાળવા અને ચૂંટણીમાં લેબર પાર્ટીની નોંધપાત્ર જીત બદલ અભિનંદન આપ્યા હતા. વાતચીતમાં બંને નેતાઓએ ભારત-યુકે વ્યાપક વ્યૂહાત્મક ભાગીદારીને વધારવા માટે તેમની પ્રતિબદ્ધતાનો પુનરોચ્ચાર કર્યો હતો.

વડા પ્રધાન કાર્યાલય દ્વારા જારી કરાયેલા નિવેદન અનુસાર બંને રાજ્યોના વડાઓ ભારત અને બ્રિટન વચ્ચેના મુક્ત વેપાર કરાર એટલે કે FTAને ટૂંક સમયમાં અંતિમ સ્વરૂપ આપવા માટે કામ કરવા માટે પણ સંમત થયા હતા. આ સિવાય વડાપ્રધાન મોદીએ કીર સ્ટારરને ભારત આવવાનું આમંત્રણ પણ આપ્યું હતું.