શહેરના કાલાવાડ રોડ વામ્બે આવાસ યોજના કવાર્ટર બ્લોક નં.૪ કવાર્ટર નં.૧૦૨૧માં એલસીબી ઝોન–૨ની ટીમે દરોડો પાડી વિદેશી દારૂ, બીયરના જથ્થા સાથે એકને ઝડપી લીધો હતો. અન્ય એકની શોધખોળ હાથ ધરાઈ છે. વિદેશી દારૂનો જથ્થો કવાર્ટરમાં પડયો હોવાની જમાદાર હરપાલસિંહ જાડેજા તથા કોન્સ્ટેબલ જેન્તીગરી ગોસ્વામીને બાતમી મળી હતી જે આધારે પીએસઆઈ આર.એચ.ઝાલા તથા સ્ટાફે દરોડો પાડયો હતો. કવાર્ટરમાં છૂપાવેયેલી અલગ અલગ બ્રાન્ડની દારૂની બોટલો તથા બીયરના ટીનનો જથ્થો મળી આવ્યો હતો. ૧.૭૧ લાખનો મુદ્દામાલ કબજે લઈને કવાર્ટરમાં રહેતા ઈરફાન અલીમીયા સૈયદ ઉ.વ.૨૩ની ધરપકડ કરી હતી.
પૂછતાછમાં જંકશન પ્લોટ ગાયકવાડી શેરી નં.૩માં રહેતા તોફીક ઉર્ફે તોફલો મહમદ સંઘારનું નામ ખુલ્યું હતું. જેની શોધખોળ હાથ ધરાઈ હતી. આરોપી ઈરફાન સામે દારૂ, મારામારી સહિતના પાંચ ગુના નોંધાઈ ચૂકયા છે. જયારે તૌફીક ઉર્ફે તોફલો પણ મારામારી, દારૂ સહિતના પાંચ ગુનામાં પોલીસ ચોપડે ચઢી ચૂકયો છે. દરોડામાં સાથે સ્ટાફના વિરેન્દ્રસિંહ ઝાલા, મૌલિકભાઈ સાવલિયા, રાહત્પલભાઈ ગોહેલ, અમીનભાઈ ભલુર, જયપાલસિંહસરવૈયા, ધર્મરાજસિંહ ઝાલા જોડાયા હતા