ભાજપના નેતા વિનોદ તાવડેએ મહારાષ્ટ્રની એક હોટલમાં 5 કરોડ રૂપિયા રોકડા લઈને તેને મતદારોમાં વહેંચવાના આરોપો પર કાનૂની નોટિસ મોકલી છે. તેમણે આ નોટિસ કોંગ્રેસ નેતા રાહુલ ગાંધી, પાર્ટી અધ્યક્ષ મલ્લિકાર્જુન ખડગે, પ્રવક્તા સુપ્રિયા શ્રીનેટને મોકલી છે.

આ નોટિસમાં તેણે માફીની માગણી કરી છે અથવા તો 100 કરોડ રૂપિયાનો માનહાનિનો કેસ દાખલ કરવાની ચેતવણી આપી છે. આ તમામ નેતાઓને તેમના વકીલ વતી આ નોટિસ મોકલવામાં આવી છે. તાવડેના વકીલે કહ્યું કે આ તમામ નેતાઓએ કાં તો માફી માંગવી પડશે અથવા તો માનહાનિના કેસનો સામનો કરવો પડશે.