મધ્યપ્રદેશમાં નવરાત્રિનાં ગરબા કાર્યક્રમ દરમિયાન હંગામો થયો હતો. ગરબા કાર્યક્રમનું આયોજન ખાનગી કમિટી દ્વારા કરવામાં આવ્યું હતું, પરંતુ કાર્યક્રમમાં પ્રોટોકોલનું પાલન કરવામાં આવ્યું ન હતું, જેના કારણે હિન્દુ સંગઠનો રોષે ભરાયા હતા.

હંગામાની માહિતી મળતાની સાથે જ પોલીસ પણ ઘટના સ્થળે પહોંચી હતી. કમિટી દ્વારા પહેલાથી જ સૂચના આપવામાં આવી હતી કે કોઈ પણ મુસ્લિમ યુવકને ગરબામાં દાંડિયા રમવા દેવામાં આવશે નહીં. પરંતુ ગરબા કાર્યક્રમમાં 17 મુસ્લિમ યુવકો દાંડિયા રમતા જોવા મળ્યા હતા. કાર્યક્રમમાં હાજર યુવાનોએ આનો વિરોધ કરતાં હોબાળો મચી ગયો હતો. ઝઘડો જોઈને 14 મુસ્લિમ યુવકો ભાગ્યા હતા. પરંતુ 3 યુવકો પકડાઈ ગયા હતા, તેને પોલીસ સ્ટેશન લઈ જઈ ત્રણેય યુવકો સામે કેસ નોંધીને જેલમાં મોકલવાની કાર્યવાહી હાથ ધરવામાં આવી છે.

ઝડપાયેલા ત્રણ મુસ્લિમ યુવકો હિન્દુ વેશભૂષામાં ગરબા કરવા કાર્યક્રમમાં આવ્યા હતા. જોકે, હિન્દુ સંગઠને પણ આયોજક સમિતિ સામે એફઆઈઆર નોંધવા માટે શહેર પોલીસ સ્ટેશનમાં ફરિયાદ નોંધાવી છે.

સંયોજક કેશવ શર્માએ આરોપ લગાવ્યો હતો કે મુસ્લિમ યુવાનો દાંડિયાની આડમાં લવ જેહાદને પ્રોત્સાહન આપી રહ્યા છે. આયોજક સમિતિએ પણ ઓળખપત્ર જોયા બાદ જ કાર્યક્રમમાં એન્ટ્રી આપવાની હતી. પરંતુ ભીડ વધારવાના હેતુથી જાણી જોઈને બેદરકારી કરવામાં આવી હતી. આયોજક સમિતિ સામે પણ FIR દાખલ કરવામાં આવશે.