રાજકોટ સહિત સૌરાષ્ટ્રના મોટા ભાગના ડેમો હજું ખાલી છે, છેલ્લા ૨૪ કલાક દરમિયાનમાં કુલ ૮૩માંથી ફ્ક્ત ૧૨ ડેમમાં ૦.૧૦ ફૂટથી એક ફૂટ સુધીની આવક નોંધાઇ છે. અલબત્ત છેલ્લા ૨૪ કલાકમાં એક પણ ડેમ સાઇટ ઉપર વરસાદ નોંધાયો નથી. મેઘરાજા મન મુકીને ન વરસે ત્યાં સુધી હજુ પાક પાણીનું ચિત્ર ધૂંધળુ જ છે.

રાજકોટ સિંચાઇ વર્તુળ હેઠળના રાજકોટ, મોરબી, જામનગર, દ્વારકા, સુરેન્દ્રનગર, પોરબંદર અને અમરેલી સહિતના સાત જિલ્લાના ૮૩ ડેમમાંથી એક પણ હજુ સુધી ૧૦૦ ટકાની પૂર્ણ સપાટીએ ભરાયો નથી. ઉપલેટાનો વેણુ-૨ ડેમ કે જે ૭૭ ટકા સુધી ભરાયો છે તેની સપાટી જાળવવા હજુ ડેમનો એક દરવાજો ૦.૦૭૬ મીટર સુધી ખુલો રાખવામાં આવ્યો છે. તદ્ઉપરાંત રાજકોટની ભાગોળે જામનગર રોડ ઉપરનો આજી-૨ ડેમ કે જેમાં સુએઝ વોટર ઠલવાઈ છે તે ડેમ પણ ૭૪ ટકા સુધી ભરાયો હોય તેનો એક દરવાજો ૦.૦૭૬ મીટર સુધી ખુલો રાખવામાં આવ્યો છે.

24 કલાકમાં ક્યા ડેમમાં કેટલી આવક

આજી-૧ ૦.૨૦ ફૂટ

ન્યારી-૧ ૦.૩૩ ફૂટ

ન્યારી-૨ ૦.૩૩ ફૂટ

ઘેલો સોમનાથ ૦.૫૯ ફૂટ

માલગઢ ૧.૧૫ ફૂટ

મચ્છુ-૨ ૦.૫૯ ફૂટ

ડેમી-૧ ૦.૦૩ ફૂટ

બ્રાહ્મણી ૦.૧૦ ફૂટ

મચ્છુ-૩ ૦.૧૬ ફૂટ

લીંબડી ભોગાવો ૧ ૦.૧૦ ફૂટ

ફલકુ ૦.૩૩ ફૂટ

વાંસલ ૦.૧૬ ફૂટ