અમરનાથ યાત્રા માટે અભેદ્ય કિલ્લેબંધી: ડ્રોન, ડોગ સ્ક્વોડ અને ૬૭૦ સૈન્ય કંપનીઓ તૈનાત; જાણો ક્યારથી શરૂ થશે કાવડિયાઓનો પ્રવાસ!
બાબા બરફાનીના ભક્તો માટે ખૂબ જ મહત્વપૂર્ણ સમાચાર સામે આવ્યા છે. વર્ષ ૨૦૨૬ની પવિત્ર શ્રી અમરનાથજી યાત્રાને હવે માત્ર એક મહિના જેટલો સમય બાકી રહ્યો છે, ત્યારે કેન્દ્ર સરકાર અને ગૃહ મંત્રાલયે શ્રદ્ધાળુઓની સુરક્ષા માટે સર્વોચ્ચ કક્ષાની વ્યવસ્થાઓ કરી લીધી છે. આ વર્ષે યાત્રાને સંપૂર્ણપણે સુરક્ષિત અને નિર્વિઘ્ન રાખવા માટે સેન્ટ્રલ આર્મ્ડ પોલીસ ફોર્સ (CAPF) ની રેકોર્ડબ્રેક ૬૭૦ કંપનીઓ (સૈન્ય ટુકડીઓ) જમ્મુ-કાશ્મીરના અલગ-અલગ વિસ્તારોમાં તૈનાત કરવાનો નિર્ણય લેવાયો છે.લખનપુરના પ્રવેશદ્વારથી લઈને પવિત્ર ગુફા સુધી સુરક્ષા જવાનોએ અત્યારથી જ મોરચો સંભાળી લીધો છે.
૩ જુલાઈથી થશે પ્રારંભ
આ રહ્યું આખું શિડ્યુલ અને રૂટ્સઆ વર્ષની યાત્રાના મહત્વના સત્તાવાર આંકડા અને વિગતો નીચે મુજબ છે
યાત્રાનો સમયગાળો
આ વર્ષે અમરનાથ યાત્રા ૩ જુલાઈ ૨૦૨૬ થી વિધિવત રીતે શરૂ થશે અને ૨૮ ઓગસ્ટ ૨૦૨૬ (શ્રાવણ પૂર્ણિમા/રક્ષાબંધન) ના રોજ સંપન્ન થશે. આ યાત્રા કુલ ૫૭ દિવસ સુધી ચાલશે.
પ્રથમ જથ્થો ક્યારે રવાના થશે?
શ્રદ્ધાળુઓનો પ્રથમ જથ્થો ૨ જુલાઈના રોજ જમ્મુના ભગવતી નગર બેઝ કેમ્પથી કાશ્મીર ખીણ માટે રવાના કરવામાં આવશે.
બે પરંપરાગત માર્ગો
યાત્રા દર વર્ષની જેમ બે રૂટ્સ પરથી ચાલશે – 
૧) અનંતનાગ જિલ્લાનો ૪૮ કિલોમીટર લાંબો પરંપરાગત પહલગામ માર્ગ, અને 
૨) ગાંદરબલ જિલ્લાનો ૧૪ કિલોમીટર લાંબો, ટૂંકો પરંતુ સીધી ચઢાઈવાળો બાલટાલ માર્ગ.
૩.૫ લાખથી વધુ રજીસ્ટ્રેશન
અત્યાર સુધીમાં દેશભરમાંથી સાડા ત્રણ લાખથી વધુ ભક્તોએ યાત્રા માટે પોતાનું સત્તાવાર રજીસ્ટ્રેશન કરાવી લીધું છે.
હાઈટેક સુરક્ષા
ડ્રોન કેમેરા અને એન્ટી-સેબોટેજ સ્ક્વડથી મોનિટ રિંગગત વર્ષની કેટલીક આતંકી ઘટનાઓને ધ્યાનમાં રાખીને સુરક્ષા એજન્સીઓએ પોતાની સ્ટાન્ડર્ડ ઓપરેટિંગ પ્રોસિજર (SOP) માં મોટા ફેરફારો કર્યા છે
ડ્રોન અને ડોગ સ્ક્વોડ
રાષ્ટ્રીય ધોરીમાર્ગો, લંગર સ્થળો અને મુસાફરોના સ્ટેશન પર ૨૪ કલાક વાસ્તવિક સમય (Real-time) ની દેખરેખ માટે હાઈ-ડેફિનેશન (HD) સીસીટીવી કેમેરા અને ડ્રોન સર્વેલન્સ વધારી દેવાયું છે. સાથે જ શંકાસ્પદ વસ્તુઓની તપાસ માટે ડોગ સ્ક્વડ તૈનાત રહેશે.
આઈડી અને વેરિફિકેશન
યાત્રા દરમિયાન સેવા આપતા ઘોડાવાળા (પોનીવાલા), પિટ્ટુ અને સ્થાનિક દુકાનદારોની બેકગ્રાઉન્ડ તપાસ કરીને તેમને ખાસ RFID વિશિષ્ટ ઓળખપત્રો જારી કરવામાં આવ્યા છે.
બેઝ કેમ્પનું નિરીક્ષણ
જમ્મુ ઝોનના આઈજીપી ભીમ સેન ટુટી અને ડિવિઝનલ કમિશનર રમેશ કુમાર સહિતના ઉચ્ચ અધિકારીઓએ ભગવતી નગર અને કઠુઆના બેઝ કેમ્પની મુલાકાત લઈને સ્વાસ્થ્ય, સ્વચ્છતા અને ટ્રાફિક વ્યવસ્થાની સમીક્ષા કરી છે.