આજથી ભારત અને પાકિસ્તાન પોતાના વર્લ્ડ કપનો પ્રારંભ કરવા માટે તૈયાર છે. ભારત અને પાકિસ્તાન વચ્ચે મહિલા T-20 વર્લ્ડ કપ મેચ બર્મિંગહામમાં રમાશે. વર્લ્ડ કપના ઇતિહાસમાં આ નવમી વખત છે જ્યારે આ બંને ટીમો એકબીજા સામે ટકરાઈ રહી છે.

નોંધનીય છે કે આ વર્લ્ડ કપમાં 12 ટીમો ભાગ લઈ રહી છે. ભારત, પાકિસ્તાન, ઓસ્ટ્રેલિયા, બાંગ્લાદેશ, નેધરલેન્ડ અને દક્ષિણ આફ્રિકા ગ્રુપ A માં છે. આજે ટીમ ઈન્ડિયા પાકિસ્તાન સામે પોતાનો પહેલો મેચ રમશે. શું ચાહકો આ મેચ મફતમાં જોઈ શકે છે? ટેલિકાસ્ટ અને લાઈવ સ્ટ્રીમિંગની બધી વિગતો અહીં જાણો.

મેચ ક્યારે શરૂ થશે?

ભારત-પાકિસ્તાન મેચ બર્મિંગહામમાં રમાશે. આ મેચ ભારતીય સમય મુજબ સાંજે 7:00 વાગ્યે શરૂ થશે.

મેચ ક્યાં લાઈવ જોઈ શકો છો?

મહિલા T-20 વર્લ્ડ કપમાં ભારત-પાકિસ્તાન મેચ JioHotstar પર લાઈવ સ્ટ્રીમ કરવામાં આવશે.

મફતમાં મેચ કેવી રીતે જોવી?

ભારતીય ચાહકો માટે સારા સમાચાર એ છે કે T-20 વર્લ્ડ કપ 2026ના લાઇવ મેચો DD સ્પોર્ટ્સ પર પ્રસારિત થઈ રહ્યા છે. ચાહકો અહીં મફતમાં લાઇવ વર્લ્ડ કપ મેચો જોઈ શકે છે.

ભારત વિરુદ્ધ પાકિસ્તાન હેડ-ટુ-હેડ

મહિલા T20 વર્લ્ડ કપમાં ભારત અને પાકિસ્તાન આઠ વખત એકબીજા સામે ટકરાયા છે, જેમાં ભારત છ વખત જીત્યું છે અને પાકિસ્તાન ફક્ત બે વાર જીત્યું છે.

T-20 ક્રિકેટમાં એકંદર રેકોર્ડની વાત કરીએ તો, ભારત અને પાકિસ્તાન 16 વખત ટકરાયા છે. ટીમ ઇન્ડિયાએ પાકિસ્તાનને 13 વખત હરાવ્યું છે. પાકિસ્તાન ફક્ત ત્રણ વખત ભારતને હરાવી શક્યું છે.

ભારતની ટીમઃ હરમનપ્રીત કૌર (કેપ્ટન), સ્મૃતિ મંધાના, શેફાલી વર્મા, જેમિમાહ રોડ્રિગ્સ, ભારતી ફુલમાલી, દીપ્તિ શર્મા, રિચા ઘોષ, શ્રી ચરાણી, યાસ્તિકા ભાટિયા, નંદિની શર્મા, અરુંધતિ રેડ્ડી, રેણુકા સિંહ, ક્રાંતિ ગૌડ, શ્રેયંકાવ પાટિલ, રાધાવક પટેલ

પાકિસ્તાનની ટીમઃ ફાતિમા સના (કેપ્ટન), ગુલ ફિરોઝા, આયેશા ઝફર, ઈરમ જાવેદ, આઈમાન ફાતિમા, આલિયા રિયાઝ, નતાલિયા પરવેઝ, સાયરા જબીન, મુનીબા અલી, તુબા હસન, રમીન શમીમ, સાદિયા ઈકબાલ, નશરા સંધુ, ડાયના બેગ, તસ્મિયા રુબાબ