રોયલ ચેલેન્જર્સ બેંગ્લોરે તોફાની પ્રદર્શન કરીને ગુજરાત ટાઇટન્સને હરાવ્યું છે. આરસીબીએ આ મેચ 9 વિકેટે જીતી લીધી છે. પ્રથમ બેટિંગ કરતા ગુજરાતે 200 રન બનાવ્યા હતા. જવાબમાં આરસીબીએ માત્ર 16 ઓવરમાં મેચ જીતી લીધી હતી. તેના માટે વિલ જેક્સે અણનમ સદી ફટકારી હતી. તેણે 41 બોલમાં 100 રન બનાવ્યા હતા. જેક્સની આ ઇનિંગમાં 10 સિક્સર અને 5 ફોરનો સમાવેશ થાય છે. વિરાટ કોહલીએ 44 બોલમાં અણનમ 70 રન બનાવ્યા હતા. કોહલીએ 6 ફોર અને 3 સિક્સર ફટકારી હતી. ફાફ ડુ પ્લેસિસ 24 રન બનાવીને આઉટ થયો હતો.

મોહિત શર્મા ગુજરાત માટે મોંઘો સાબિત થયો હતો. તેણે 2 ઓવરમાં 41 રન આપ્યા હતા. સાઈ કિશોરે 3 ઓવરમાં 30 રન આપીને 1 વિકેટ લીધી હતી.

ગુજરાત ટાઇટન્સ તરફથી સાઇ સુદર્શને 84 રનની ઇનિંગ રમી હતી. શાહરૂખ ખાને 58 રન બનાવ્યા હતા. ડેવિડ મિલર 26 રન બનાવીને અણનમ રહ્યો હતો. આ દરમિયાન RCB તરફથી સ્વપ્નિલ સિંહ, મોહમ્મદ સિરાજ અને મેક્સવેલે 1-1 વિકેટ લીધી હતી.