જામનગરના પ્રવેશદ્વાર જેવા મનાતા ધુંવાવ ગામ પાસેની ગોલાઇ જેનો વાહન ચાલકો મહત્તમ ઉપયોગ કરે છે, એ ગોળાઇ જોખમી વળાંકના કારણે અકસ્માત ઝોન જેવી બનતી જાય છે, આજે જ એક બાઇક ચાલકને કારે ઠોકર મારી છે, એક મોત થયું છે, જેનો અહેવાલ આજના અખબારમાં સામેલ છે, મુદાની વાત એ છે કે, જે પુલ બનાવવા માટે આ કામચલાઉ રસ્તો કાઢવામાં આવ્યો હતો, તેની હવે જરૂરીયાત રહી નથી, ધુંવાવનો પુલ બની ગયો છે.

​​​​​​​

 ખુલી ગયો છે, છતાં વાહન ચાલકો જોખમી ગોલાઇ એટલા માટે પસંદ કરે છે, કારણ કે પુલ પછી ધુંવાવ ગામનો જે રસ્તો છે તેની અત્યંત બિસ્માર દશા છે, એ કારણે જ વાહનચાલકો અંદરથી પસાર થતાં નથી, તંત્રએ તાત્કાલીક ધુંવાવનો આ અંદરનો માર્ગ બનાવવો જોઇએ અને હવે ગોલાઇની જરૂરીયાત નથી એટલે ત્યાંથી વાહનો પસાર ન થાય તેના પગલા લેવા જોઇએ. કયારેક આ ગોલાઇ પર મોટો જીવલેણ અકસ્માત પણ સર્જાઇ શકે છે.