રાજકોટમાં ૨૨ વર્ષીય કોલેજીયન યુવતીને ગોંડલમાં રહેતા ઇન્સ્ટાગ્રામ ફ્રેન્ડે જાળમાં ફસાવી બાદમાં તેને ધમકી આપી હોટલમાં મળવા બોલાવી હતી.હોટલમાં યુવતી પર ત્રણ વખત દુષ્કર્મ આચરી ધમકી આપી હતી.આ અંગે યુવતીની ફરિયાદ પરથી પોલીસે આરોપી ગોંડલના વિધર્મી શખસ સામે ગુનો નોંધી તેને ઝડપી લઇ જરી કાર્યવાહી કરી હતી.

દુષ્કર્મના આ બનાવની જાણવા મળતી વિગતો મુજબ,રાજકોટમાં રહેતી ૨૨ વર્ષની કોલેજીયન યુવતીએ પ્ર.નગર પોલીસ સ્ટેશનમાં નોંધાવેલી ફરિયાદમાં આરોપી તરીકે ગોંડલની સુખરામ સોસાયટીમાં રહેતા મહમદ અખ્તર ડેલાનું નામ આપ્યું છે. યુવતીએ ફરિયાદમાં જણાવ્યું હતું કે,તે કોલેજના બીજા વર્ષમાં અભ્યાસ કરે છે.
છ મહિના પૂર્વે ઇન્સ્ટાગ્રામમાં મહમદ ડેલાનો સંપર્ક થયો હતો અને બંનેએ એકબીજાને મોબાઇલ નંબર આપતા મોબાઇલ પર વાતચીત કરવા લાગ્યા હતા. મહમદ ડેલા ગોંડલ રહેતો હતો અને રાજકોટમાં નોકરી કરતો હતો.બાદમાં આરોપી અવારનવાર બોલાવી જો કોઇને જાણ કરીશ તો એકસીડન્ટ કરાવી નાખવાની અને એસિડ ફેંકી જાનથી મારી નાખવાની ધમકીઓ આપી યુવતીને મળવા હોટલમાં બોલાવી હતી.

આરોપી યુવતીને હોટલમાં લઇ જઇ અલગ–અલગ સમયે ત્રણેક વખત દુષ્કર્મ આચયુ હતું. બાદમાં આ અંગે કોઇને કહીશ તો તને અને તારા પરિવારજનોને મારી નાખીશ તેવી ધમકી આપી હતી.મહમદ ડેલાની માગ વધતી જતાં કંટાળીને યુવતીએ તેના પરિવારજનોને આપવિતી વર્ણવી હતી.બાદમાં પરિવારે હિંમત આપતા અંતે આ મામલે પ્ર.નગર પોલીસ મથકમાં ફરિયાદ લખાવતા પીઆઇ બી.એમ.ઝણકાટના માર્ગદર્શનમાં પોલીસે આરોપી સામે આઇપીસીની દુષ્કર્મ અને ધમકી અંગેની કલમ હેઠળ ગુનો નોંધી પોલીસે આરોપીને ઝડપી લઇ જરી કાર્યવાહી કરી હતી