શહેરમાં આરટીઓ તત્રં દ્રારા જુદી જુદી સ્કૂલ પાસે બે દિવસ ડ્રાઈવ હાથ ધરવામાં આવતા પરમીટ વગર સ્કૂલ વર્ધી કરતા ૧૨ વેન ચાલકો તેમજ પુખ્તવય ન હોવા છતાં લાયસન્સ વગર સ્કૂટર હંકારનાર ૮ ચાલકો સામે દંડનીય કાર્યવાહી કરવામાં આવી હતી. ૨૦ વાહનો ચાલકોને મળી કુલ ૧,૭૨,૦૦૦નો દડં ફટકારવામાં આવ્યો હતો.
સુરત બાદ રાજકોટમાં પણ અન્ડર એજ એટલે કે ૧૮ વર્ષથી નીચેના વિધાર્થીઓ વાહન લઇ સ્કૂલએ જતા હોઈ તેની સામે આરટીઓ તંત્રએ કાર્યવાહી કરવાની શઆત કરી છે, સ્કૂલ વર્ધી માટેની પરમીટ ન હોઈ તેવા વાન ચાલકોને પણ રોકી આકરો દડં ફટકારવામાં આવી રહ્યો છે.
રાજકોટ આરટીઓ કે.એમ.ખપેડની સૂચના અને માર્ગ દર્શનથી ઇન્સ્પેકટ વાય. જી. પટેલ, વી.બી.પટેલ, એમ.સી.પારેખ, ડી.પી.જાડેજા સહિતની ટીમે ગઈકાલે અને આજે એમ બે દિવસ જુદી જુદી સ્કૂલ નજીક ચેકીંગ હાથ ધરતા બાળકોને સ્કૂલે મુકવા આવતી ૧૨ જેટલી વાન ચાલકો પાસે વર્ધી માટેની પરમીટ ન હોવાનું સામે આવતા દડં ફટકારવામાં આવ્યો હતો. આ ઉપરાંત ૧૮ વર્ષથી નીચેની ઉંમરના કે જેમની પાસે લાયસન્સ ન હોય એવા આઠ વિધાર્થીઓને રોકી તેના વાલીઓને બોલાવી દડં વસુલવામાં આવ્યો હતો