તદઉપરાંત વિધાનસભા મતવિસ્તાર વિભાગ હેઠળ બનાવામાં આવેલા ફેસીલીટેશન સેન્ટરમાં બીએલઓ સુપરવાઇઝર સાથે બીએલઓ સહાયક તરીકે ૭૧ કર્મીચારીની નિમણૂંક કરવામાં આવી છે. જેમાં શાળા અને કોલેજના શિક્ષકો ઉપરાંત ગુજરાત મેરીટાઇમ બોર્ડ, કસ્ટમ, મામલતદાર અને શિક્ષણાધિકારી કચેરી, મત્સયઉધોગ નિયામક કચેરી, સહાયક રાજય વેરા કમિશ્નર કચેરી, ભૂસ્તર શાસ્ત્રીની કચેરી, જિલ્લા જળસ્ત્રાવ વિકાસ એકમ સહીતની કચેરીમાં ફરજ બજાવતા કર્મચારીઓનો સમાવેશ થાય છે. આટલું જ નહીં મતદાર નોંધણી અધિકારીએ કરેલા આદેશમાં એસઆઇઆરની કામગીરી હાલમાં ચાલી રહી હોય તથા સમયમર્યાદામાં પૂર્ણ કરવાની હોય જે કર્મચારીના બીએલઓ સહાયક કર્મીઓને મુકિત આપવા બીનજ‚રી પત્ર વ્યવહાર ન કરવા તાકીદ કરવામાં આવી છેે.


શાળા અને કચેરીઓ ખાલી-ખાલી, છાત્રોનો બગડતો અભ્યાસ, ધરમના ધકકાથી અરજદારો ત્રાહીમામ

જામનગર શહેર-જિલ્લમાં મતદારયાદી ખાસ સઘન સુધારણા એટલે કે એસઆઇઆરની કામગીરી ચાલી રહી છે. આ કામગીરીમાં સરકારી શાળાના મોટાભાગના શિક્ષકોને જોતરવામાં આવતા વિધાર્થીઓનો અભ્યાસ બગડી રહ્યો છે. બીજી બાજે ચાલુ વર્ષે કોર્સ પૂરા થશે કે કેમ તે પણ સવાલ છે. આથી જો પરિણામ નીચું આવશે તો જવાબદારી કોની તે સવાલ ઉઠ્યો છે. તદઉપરાંત મોટાભાગની સરકારી કચેરીના કર્મીઓને પણ આ કામગીરમાં કામે લગાડવામાં આવ્યા હોય કચેરીઓમાં કામ અર્થે આવતા અરજદારોને ધરમના ધકકા થઇ રહ્યા છે. અધિકારીઓ દ્રારા સંબધિત કર્મીઓ એસઆઇઆરની કામગીરીમાં રોકાયેલા હોય તેમ જણાવી જવાબદારી ખંખેરવામાં આવી રહી છે. જેનો ભોગ અરજદારો બની રહ્યા છે.


એસઆઇઆરની કામગીરીમાં ચૂક થશે તો કર્મીઓ સામે દંડાત્મક કાર્યવાહી

જામનગરની એસઆઇઆરની કામગીરીમાં બીએલઓ સહાયક તરીકે ૭૧ કર્મચારીઓના ઓર્ડર મદદનીશ મતદાર નોંધણી અધિકારીઓ દ્રારા કરવામાં આવ્યા છે. આ આદેશમાં જણાવ્યાનુસાર કર્મચારીઓએ ખાસ સઘન મતદાર યાદી સુધારણા કામગીરીને પ્રાથમિકતા આપી ચોકકસાઇથી અને સમયમર્યાદામાં પૂર્ણ કરવાની રહેશે. આ કામગીરીમાં ચૂક થતા લોક પ્રતિનિત્વ અધિનિયમ ૧૯૫૦ હેઠળ દંડાત્મક કાર્યવાહી પણ થશે. આથી બીએલઓ સુપરવાઇઝરનો સંપર્ક કરી તાકીદે કામગીરી શરૂ કરવા તાકીદ કરી છે. ​​​​​​​