ગુજરાત હાઉસિંગબોર્ડ દ્વારા શહેરના ભરતનગર વિસ્તારમાં બનાવવામાં આવેલા પ્રધાનમંત્રી આવાસ યોજનાનું લોકાર્પણ કાલે  શનિવારે મુખ્યમંત્રી ભુપેન્દ્ર પટેલના હસ્તે કરવામાં આવશે. આવાસના લોકાર્પણ કાર્યક્રમનું સરદારનગર ઓડિટોરિયમ ખાતે આયોજન કરાયું છે. ગુજરાત હાઉસિંગ બોર્ડ દ્વારા પ્રધાનમંત્રી આવાસ ઘણા સમયથી બનાવવામાં આવ્યા હતા પરંતુ લોકાર્પણના વાંકે લાભાર્થીઓને સોંપવામાં આવ્યા ન હોવાની નારાજગી લાભાર્થીઓમાં ફેલાઈ હતી અને તે સંદર્ભે અગાઉ રજૂઆતો પણ કરી હતી. અંતે હવે તેનો મુહૂર્ત નીકળતા  શહેરના સરદારનગર ઓડિટોરિયમ ખાતે મુખ્યમંત્રી ભુપેન્દ્ર પટેલના હસ્તે લોકાર્પણ કરવામાં આવશે. મુખ્યમંત્રીના પ્રવાસને લઈ તંત્ર દ્વારા હાલ તમામ તૈયારીઓને આખરી ઓપ અપાઈ રહ્યો છે.