જામનગર પોલીસ પરિવાર દ્વારા અહીંના હેડકવાર્ટર તાલીમ ભવન ખાતે ગઇકાલે રવિવારે સવારે ૯ થી ૨ દરમ્યાન બ્લડ ડોનેશન કેમ્પનું આયોજન કરવામાં આવ્યુ હતું, જામનગરમાં સુરક્ષા સેતુ સોસાયટી અંતર્ગત સીટી-બી ડીવીઝન પોલીસ સ્ટેશનની ટીમ દ્વારા થેલેસેમીયાગ્રસ્ત બાળકો માટે આ રકતદાન કેમ્પ યોજાયો હતો, જેમાં એસપી પ્રેમસુખ ડેલુ, ડીવાયએસપી સોલંકી, પીઆઇ એચ.પી.ઝાલા સહિતના પોલીસ અધીકારીઓની ઉપસ્થીતીમાં યોજાયેલા બ્લડ ડોનેશન કેમ્પમાં સુરક્ષાકર્મીઓએ રકતદાન કર્યુ હતું. આ કેમ્પમાં ૧૦૪ સુરક્ષાકર્મીઓએ રકતદાન કરીને ખરા અર્થમાં રક્ષક તરીકેની ભુમીકા અદા કરી હતી. સીટી-બી ડીવીઝન પીઆઇ એસ.પી. ઝાલા, પીએસઆઇ એ.બી. વણકર, પીએસઆઇ એ.બી. વડાવીયા, એએસઆઇ રઘુવીરસિંહ પરમાર તથા ડી-સ્ટાફના કર્મીઓ અને એલઆઇબીના દેવસુરભાઇ સાગઠીયા સહિતની ટીમ દ્વારા કેમ્પની વ્યવસ્થા કરવામાં આવી હતી, એકત્ર કરાયેલું રકત જામનગરના થેલેસેમીયા ગ્રસ્ત બાળકોની મદદ માટે પહોચાડવામાં આવ્યું છે.