જે અંગેની ચોકકસ હકીકતના આધારે દરોડો પાડવામાં આવ્યો હતો. આ દરમ્યાન ભારતીય બનાવટની વિદેશી દારૂની અલગ-અલગ બ્રાન્ડ બોટલો તથા ચપલા કુલ નંગ-૧૪૫૨ (કિ.૬,૩૯,૬૦૦)  તેમજ મોબાઇલ કિ.રૂ.૫૦૦૦  તથા વાહન કિ.રૂ.૫,૦૦,૦૦૦  મળી કુલ ૧૧,૪૪,૬૦૦ ની કિંમત નો મુદામાલ કબજે કરી આરોપી કાયા શાખરાની અટકાયત કરી હતી.


આ બાબતે પુછપરછ કરતા જામનગરના જીગ્નેશ ઉર્ફે જીગો રહીશ વિનોદભાઈ ખીચડા અને દિપક ઉર્ફે અટાપટુ જમનાદાસ જેઠવાણીના નામ ખૂલવા પામ્યા છે. પોલીસે તેની શોધખોળ હાથ ધરી છે.


આ ઉપરાંત શરૂ સેકશન રોડ કુકડા કેન્દ્ર નજીક આવાસ વીંગ-એમાં રહેતા ઇમ્તીયાઝ રશીદ લાખા તથા ધરારનગર ટાંકા પાસે રહેતા સંદીપ જાદવજી વડેશાને વિદેશી શરાબના ૧૩૫ ચપટા, મોબાઇલ મળી ૧૮૫૦૦ના મુદામાલ સાથે પકડી લીધા હતા. જયારે હાપા ખારી વિસ્તારમાં રહેતા સોમશી જેસા વિરને ૩૦ લીટર આથો, ૧૫ લીટર દેશી દારૂ, ચાલુ ભઠ્ઠીના સાધનો સાથે પકડી લીધો હતો અને ખારી વિસ્તારમાં નારણ લખમણ વીરને ત્યાંથી ૧૦ લીટર દેશી દારૂ, ૩૦ લીટર આથો અને ભઠ્ઠીના સાધનો સાથે પંચ-એ પોલીસે દબોચી લીધો હતો. ​​​​​​​