ભારત અને બાંગ્લાદેશ વચ્ચે ચેન્નાઈમાં રમાઈ રહેલી પ્રથમ ટેસ્ટ મેચમાં રવિચંદ્રન અશ્વિને વર્લ્ડ રેકોર્ડ બનાવ્યો છે. તેણે મેચના પહેલા દિવસે તેની ટેસ્ટ કારકિર્દીની છઠ્ઠી સદી ફટકારી હતી અને હજુ પણ તે અણનમ ક્રીઝ પર છે. તેણે બેટિંગમાં નહીં પરંતુ ઓલરાઉન્ડર તરીકે વર્લ્ડ રેકોર્ડ બનાવ્યો છે.
અશ્વિનનો વર્લ્ડ રેકોર્ડ
રવિચંદ્રન અશ્વિન ટેસ્ટ ક્રિકેટમાં બેટ્સમેન તરીકે 20 મેચમાં 50 કે તેથી વધુ રન બનાવનાર અને બોલિંગમાં 30 થી વધુ 5 વિકેટ ઝડપનાર પ્રથમ ક્રિકેટર બન્યો છે. ટેસ્ટ ક્રિકેટના 147 વર્ષ જૂના ઈતિહાસમાં આ પહેલા ક્યારેય બન્યું ન હતું. તેથી અશ્વિન એક સાથે આવું કરનાર વિશ્વનો પ્રથમ ક્રિકેટર બની ગયો છે.
બાંગ્લાદેશ સામેની મેચ અશ્વિનની ટેસ્ટ કારકિર્દીની 101મી મેચ છે. તેણે બેટિંગમાં 3,400 થી વધુ રન બનાવ્યા છે અને આ સમયગાળા દરમિયાન 6 સદી ઉપરાંત તેણે 14 અડધી સદી પણ ફટકારી છે. જ્યારે બોલિંગમાં તેણે ટેસ્ટ મેચોમાં 36 થી વધુ વખત એક જ ઇનિંગમાં 5 કે તેથી વધુ વિકેટ લીધી છે.
અશ્વિનના આંકડા પણ રસપ્રદ બની જાય છે કારણ કે તેણે આઠ કે તેનાથી નીચેના નંબર પર બેટિંગ કરતી વખતે તેની 4 સદી ફટકારી છે. અત્યાર સુધી આઠ કે નીચલા ક્રમમાં સૌથી વધુ સદી ફટકારવાનો રેકોર્ડ ન્યૂઝીલેન્ડના ભૂતપૂર્વ કેપ્ટન ડેનિયલ વેટોરીના નામે છે. આ ઓર્ડરમાં બેટિંગ કરતા તેણે 5 સદી ફટકારી હતી.
ચેન્નાઈમાં અશ્વિનનો રેકોર્ડ શાનદાર
રવિચંદ્રન અશ્વિન તમિલનાડુથી આવે છે અને તેના હોમ ગ્રાઉન્ડ પર તેનો બેટિંગ રેકોર્ડ પણ ઘણો શાનદાર છે. અત્યાર સુધીમાં તેણે ચેન્નાઈના એમએ ચિદમ્બરમ સ્ટેડિયમમાં 5 ટેસ્ટ મેચની 7 ઇનિંગ્સમાં 331 રન બનાવ્યા છે, જેમાં તેની એવરેજ 55થી વધુ છે. બીજી તરફ બોલિંગ પર નજર કરીએ તો અશ્વિને ચેન્નાઈ સ્ટેડિયમમાં અત્યાર સુધીમાં 30થી વધુ વિકેટ ઝડપી છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationદ્વારકા બરડીયા નજીક ટ્રાવેલ્સ અને બે કાર વચ્ચે અકસ્માત, 3 થી 4 લોકોના મોત થયાની આશંકા
September 28, 2024 09:01 PMઅમેરિકામાં 'હેલેન' વાવાઝોડાએ તબાહી મચાવી, એક મહિનાના જોડિયા બાળકો સહિત 44ના મોત
September 28, 2024 08:42 PMBCCIની બેઠકમાં IPL પર લેવાશે મોટો નિર્ણય, અધ્યક્ષ સહિત આ 3 પદો પર નિર્ણય!
September 28, 2024 08:38 PMરાજકોટ: મંદિરના પૂજારીને માર મારતો હોવાનો વિડીયો થયો વાયરલ, સમગ્ર ઘટના થઈ સીસીટીવીમાં કેદ
September 28, 2024 07:01 PMCopyright © 2023-2024 Aajkaal Daily
Developed by Rhythm Infotech