શહેરના આંનદનગર વિસ્તારમાં આવેલા ૫૦ વારિયામાં રહેતા યુવાનને ચાર માસ પૂર્વે શખસ સાથે ઝધડો થયો હતો. તે વાતની અદાવત રાખી પિતા-પુત્ર સહીત પાંચે હુમલો કરી યુવાનને ધારીયા, ધોકાના ઘા ફટકારી ઈજા પહોંચાડતા સારવારમાં ખસેડવામાં આવ્યો હતો. શહેરના આનંદનગર વિસ્તારના ૫૦ વારીયામાં રહેતા નરેશભાઈ તુલસીભાઈ રાઠોડે ઘોઘારોડ પોલીસ મથકમાં કિશોર, આંબલી કિશોરભાઈ, જીતેશ કિશોરભાઈ, કિશોરભાઈના પત્ની અને તેના સાળા સામે ફરીયાદ નોંધાવી હતી કે, ચારેક માસ પહેલા આંબલી સાથે ઝધડો થયો હતો. તે વાતની દાઝ રાખી ઉક્ત તમામે તેઓ આનંદનગરના ઉમીયામાંના ચોકમાં ઉભા હતા ત્યારે ધારીયુ, પાઈપ અને લાકડી જેવા હથીયાર લઈ આવી તેના પર હુમલો કરી આડેધડ ધા મારી ઈજા પહોંચાડી ’આજ તો તુ બચી ગયો છો. બીજીવાર મળતો નહી જાનથી જઈશ’ તેમ કહી ધમકી આપી હતી. દરમિયાન યુવકને ઈજાગ્રસ્ત હાલતે સારવારમાં ખસેડવામાં આવ્યો હતો. ઉક્ત બનાવ અંગ પોલીસે તમામ સામે ગુનો દાખલ કરી ધોરણસર કાર્યવાહી હાથ ધરી હતી.