હૈદરાબાદમાં એક્ટર અલ્લુ અર્જુનની ફિલ્મ 'પુષ્પા 2' ના પ્રીમિયર દરમિયાન નાસભાગમાં મૃત્યુ પામેલી મહિલાના પરિવારને 25 લાખ રૂપિયા આપશે. તેણે મૃતક રેવતીના પરિવાર પ્રત્યે સંવેદના વ્યક્ત કરી છે. અલ્લુએ કહ્યું કે તે આ ઘટનાથી દુઃખી છે.

અલ્લુ અર્જુન બુધવારે રાત્રે હૈદરાબાદના સંધ્યા થિયેટરમાં પહોંચ્યો હતો. તેને જોવા માટે લોકોના ટોળા એકઠા થયા હતા. ત્યાં અચાનક નાસભાગ મચી ગઈ હતી, જેમાં રેવતી નામની મહિલાનું મોત થયું હતું અને 3 લોકો ઘાયલ થયા હતા. રેવતીનો 9 વર્ષનો પુત્ર શ્રેતેજ પણ ઘાયલ થયો હતો.

અલ્લુએ કહ્યું- હું પીડિત પરિવારના દુઃખની ઘડીમાં તેમની સાથે છું.
અલ્લુએ શુક્રવારે એટલે કે 6 ડિસેમ્બરે X હેન્ડલ પર એક વીડિયો શેર કર્યો હતો. જેમાં તેણે કહ્યું- હું સંધ્યા થિયેટરમાં બનેલી દુ:ખદ ઘટનાથી ખૂબ જ દુઃખી છું. આ મુશ્કેલ સમયમાં પરિવાર પ્રત્યે મારી સંવેદના. હું તેમને ખાતરી આપવા માગુ છું કે તેઓ આ પીડામાં એકલા નથી. હું પરિવારને વ્યક્તિગત રીતે મળીશ. આ મુશ્કેલ સમયમાં હું તેમને દરેક શક્ય મદદ કરવા તૈયાર છું.

આ ઘટનાએ આપણા બધાના દિલ હચમચાવી નાખ્યા
નાસભાગની રાતનો ઉલ્લેખ કરતા અભિનેતાએ કહ્યું કે, જ્યારે અમે હૈદરાબાદના આરટીસી ઈન્ટરસેક્શન પર પુષ્પાનું પ્રીમિયર જોવા ગયા હતા ત્યારે અમે ક્યારેય વિચાર્યું નહોતું કે બીજા દિવસે આવા દુઃખદ સમાચાર સાંભળવા મળશે. તે સાંભળીને નિરાશા હતી કે એક પરિવાર ઘાયલ થયો હતો અને રેવતી નામની મહિલાનું મૃત્યુ થયું હતું. સિનેમાઘરોમાં ફિલ્મો જોવી એ એક પરંપરા છે, પરંતુ આ ઘટનાએ અમારા બધાના દિલ હચમચાવી ​​​​​​નાખ્યા છે.

એકટર ઘાયલ પીડિતોનો મેડિકલ ખર્ચ ઉઠાવશે
પીડિતાના પરિવાર પ્રત્યે સંવેદના વ્યક્ત કરતા અભિનેતાએ કહ્યું કે, અમે સમજીએ છીએ કે, કોઈપણ શબ્દ કે ક્રિયા આ નુકસાનની ભરપાઈ કરી શકે નહીં. હું પરિવારને 25 લાખ રૂપિયાની આર્થિક મદદ કરવા માગુ છું. આ ઉપરાંત, અમે તબીબી ખર્ચની કાળજી લઈશું જેથી ઘાયલોની યોગ્ય સારવાર થઈ શકે.

ચાહકોને ફિલ્મ સુરક્ષિત રીતે જોવાની અપીલ કરી
વીડિયોના અંતમાં અલ્લુએ ચાહકોને કહ્યું કે, તમે બધાને વિનંતી છે કે અમારી ફિલ્મોની મજા માણતી વખતે સાવચેત રહો. કાળજી લો અને ફિલ્મ જોયા પછી સુરક્ષિત રીતે ઘરે પહોંચો.