જામનગર પત્રકાર મંડળ દ્વારા જામનગર વોલિયેન્ટરી બ્લડ બેન્કના સહયોગથી પત્રકારોના પરિવારજનો માટે વિના મૂલ્યે બ્લડ ગૃપીંગ કેમ્પનું આયોજન કરવામાં આવ્યુ હતું. આ તકે જામનગર વોલિયેન્ટરી બ્લડ બેન્કના મેનેજીંગ ટ્રસ્ટી એ.ડી. જાડેજાને જામનગર પત્રકાર મંડળના પ્રમુખ ગીરીશભાઇ ગણાત્રા, ઉપપ્રમુખ કિંજલભાઇ કારસરીયા, સહમંત્રી સૂચિતભાઇ બારડ, ખજાનચી દિપકભાઇ લાંબા  સહિતના પત્રકાર મંડળના હોદેદારો દ્વારા મોમેન્ટો દ્વારા સન્માનિત કરવામાં આવ્યા હતાં. આ બ્લડ ગૃપિંગ કેમ્પમાં આજકાલ દૈનિકના પત્રકાર રમેશભાઇ ભટ્ટી સહિત જામનગરના પત્રકાર મંડળના સભ્યો અને પરિવારજનો ઉપસ્થિત રહ્યા હતાં. આ તકે પત્રકારો દ્વારા પણ મહામૂલી જિંદગી બચાવવા માટે રકતદાન પણ કરવામાં આવ્યુ હતું.