અમેરિકામાં ગેરકાયદે ઘૂસેલા 8 ગુજરાતી સહિત 116 ભારતીયોની હકાલપટ્ટી કરી ગઈકાલે રાત્રે 11.30 વાગ્યે અમેરિકન એરફોર્સના વિમાનમાં અમૃતસર લાવવામાં આવ્યા હતાં. અહીંથી 8 ગુજરાતી આજે 10.45 વાગ્યાની આસપાસ વિમાન માર્ગે અમદાવાદ એરપોર્ટ પર પહોંચ્યાં હતાં. એરપોર્ટ પર જરૂરી કાર્યવાહી બાદ તમામને પોલીસ બંદોબસ્ત સાથે વતન રવાના કરવામાં આવ્યાં છે. કાળા પડદાવાળી ગાડીમાં મહેસાણાના બાળક સાથેના પરિવાર સહિત છ લોકોને અને ગાંધીનગરના બે લોકોને લઈ પોલીસ વતન રવાના થઈ છે.

હવે ત્રીજા તબક્કામાં આજે 10 વાગ્યે અમેરિકાનું વિમાન અમૃતસર એરપોર્ટ પહોંચશે, જેમાં 157 ભારતીય હશે.

આજે આવેલા 8 ગુજરાતીના નામની યાદી

1. ધવલભાઈ કિરિટકુમાર લુહાર (કલોલ, ગાંધીનગર)
2. રૂદ્ર ધવલભાઈ લુહાર (કલોલ, ગાંધીનગર)
3. મિહિર ઠાકોર (ગુજરાત)
4. ધીરજકુમાર કનુભાઈ પટેલ (અમદાવાદ, ગુજરાત)
5. કેનીસ મહેશભાઈ ચૌધરી (માણસા, ગાંધીનગર)
6. આરોહીબેન દિપકપુરી ગોસ્વામી (ગુજરાત)
7. દિપકપુરી બળદેવભાઈ ગોસ્વામી (ગુજરાત)
8. પુજાબેન દિપકપુરી ગોસ્વામી (ગુજરાત)

પહેલા તબક્કામાં 33 ગુજરાતીને પરત મોકલાયા હતાં
પહેલા તબક્કામાં 33 ગુજરાતી સહિત 104 ભારતીયને ડિપોર્ટ કરી 5 ફેબ્રુઆરી, 2025ના રોજ અમેરિકન એરફોર્સના વિમાનમાં અમૃતસર લાવવામાં આવ્યા હતા, જ્યાંથી 33 ગુજરાતી 6 ફેબ્રુઆરીએ વહેલી સવારે વિમાન માર્ગે અમદાવાદ એરપોર્ટ પર પહોંચ્યા હતા. તે સમયે ડિપોર્ટ થયેલા ગુજરાતીઓમાં 28 લોકો ઉત્તર ગુજરાતના હતા, જ્યારે 4 લોકો મધ્ય ગુજરાતના અને એક દક્ષિણ ગુજરાતનો હતો.