શહેરના આજી ડેમ પોલીસ મથક વિસ્તારમાં ઝડપાયેલા વિદેશી દારૂના ગુનામાં નાસતા ફરતા બુટલેગરે પોલીસ ધરપકડથી બચવા કરેલી આગોતરા જામીન અરજી અદાલતે મંજૂર કરી છે. આ અંગેની હકીકત મુજબ આજીડેમ પોલીસ મથક વિસ્તારમાં પીસીબીના પેટ્રોલિંગ દરમિયાન જી.જે.૦૩ બી.ટી.૧૪૧૨ નંબરના ટ્રકમાં વિદેશી દારૂનો જથ્થો હોવાની મળેલી બાતમીના આધારે ગોઠવેલી વોચ દરમિયાન પુરપાટ ઝડપે નીકળેલા ટ્રકને અટકાવી તલાશી લેતા જેમાંથી 2.90 લાખની કિંમતનો 1095 બોટલ વિદેશી દારૂનો જથ્થો ઝડપી પાડવામાં આવ્યો હતો. તેમાં ઝડપાયેલ શખ્સની પૂછપરછમાં આ દારૂનો જથ્થો પરમાર મહાવીરસિંહનો હોવાનું ખુલ્યું હતું. આથી પરમાર મહાવીરસિંહ ખેંગુભાએ ગુનામાં ધરપકડથી બચવા અદાલતમાં આગોતરા જામીન અરજી ગુજારતા, જે અરજીની સુનાવણી ચાલવા પર આવતા જેમાં બંને પક્ષોની રજૂઆત બાદ બચાવ પક્ષના એડવોકેટ દ્વારા કરવામાં આવેલી લેખિત મૌખિક દલીલ અને દસ્તાવેજી પુરાવાને આધારે જોઈન્ટ ડિસ્ટ્રિક્ટ એન્ડ સેશન્સ જજ એસ.પી. સિંગ મહાવીરસિંહ પરમારને પ્રોહિબિશન એકટના ગુનામાં આગોતરા જામીન મંજુર કરતો હુકમ કર્યો છે. આરોપીના બચાવ પક્ષે વકીલ ચીમનભાઈ ડી. સાંકળીયા, નિકુંજ સાંકળીયા, ઉદય ચાંવ, અતુલ બોરીચા, પ્રકાશ કેશુર, હરેશ ખીમસુરીયા, ભરતભાઈ બોરડીયા, વિજય સોંદરવા, જી.એમ.વોરા, સોનલબેન બારોટ, રણજીત સાંખટ, પુનમબેન સોંદરવા, લલીતચંદ્ર બારોટ વગેરે રોકાયા હતા.