મહિલાના મોતથી ચાર સંતાનો માતાવિહોણા બન્યા

રાજકોટમાં જામનગર રોડ પર બાપાસીતારામ ગૌશાળા પાસે નાળીયેર છીલતી વેળાએ ધારદાર છરી પેટમાં લાગી જતા ૪૦ વર્ષીય મહિલાને સારવાર માટે હોસ્પિટલ ખસેડામાં આવી હતી.અહીં સારવાર દરમિયાન મહિલાનું મોત થયું હતું.

બનાવની જાણવા મળતી વિગતો મુજબ, જામનગર રોડ પર બાપાસીતારામ ગૌશાળા પાસે રંભામાની વાડી પાસે રહેતા શારદાબેન ગોપાલભાઇ સોલંકી(ઉ.વ ૪૦) નામના મહિલા ગત તા. ૧૧/૫ ના રોજ પોતાના ઘરે લીલી નાળયેર છીલતા હતા ત્યારે અકસ્માતે ધારદાર છરી તેમને પેટને ભાગે લાગી જતા તેમને સારવાર માટે સરકારી હોસ્પિટલ ખસેડવામાં અહીં સારવાર દરમિયાન ગઇકાલે બપોરના તેમણે દમ તોડી દીધો હતો.પરિણીતાને સંતાનમાં બે પુત્ર અને બે પુત્રી હોવાનું અને તે તથા તેમના પતિ નાળીયેરનો ધંધો કરતા હોવાનું માલુમ પડયું હતું.બનાવ અંગે યુનિવર્સિટી પોલીસ મથકના પીએસઆઇ બી.આર.ભરવાડે જરૂરી કાર્યવાહી કરી હતી.