આપણા વડીલો શીખવાડે છે કે જૂઠું બોલવું એ પાપ છે. બીજી બાજુ, આપણે જાણતા નથી કે આપણે દરરોજ કેટલું ખોટું બોલીએ છીએ. કેટલાક જૂઠ્ઠાણા જાણી જોઈને બોલવામાં આવે છે, કેટલાક જૂઠ્ઠાણા સંજોગોવસાત બોલવામાં આવે છે, પરંતુ આપણે બધા એક અથવા બીજા સમયે જૂઠ બોલીએ છીએ. 

આપણે  બાળકોને શીખવીએ છીએ કે જૂઠું બોલવું ખોટું છે, પરંતુ તે જ બાળકોને મનોરંજન કરવા માટે, તેમને ઘણા જૂઠાણું બોલીએ છીએ. 

પણ ઘણી વખત લોકો આપણને સરળતાથી તેમના જૂઠાણાના જાળમાં ફસાવે છે. હવે તમે વિચારતા જ હશો કે જૂઠને કેવી રીતે ઓળખી શકાય? 

યુનિવર્સિટી ઓફ હર્ટફોર્ડશાયરના સાયકોલોજી ડિપાર્ટમેન્ટના પ્રોફેસરના જણાવ્યા અનુસાર કોઈપણ વ્યક્તિ સાથે વાત કરતી વખતે તેની બોડી લેંગ્વેજ પર ધ્યાન આપો. સામેની વ્યક્તિના શબ્દોના ઉચ્ચાર બરાબર તપાસતા રહો. જો તે વ્યક્તિ વધુ જોર આપીને કંઈપણ સમજાવવાનો પ્રયાસ કરી રહ્યો હોય તો સમજવું કે તે કોઈ સત્ય છુપાવવાનો પ્રયાસ કરી રહ્યો છે. હાવભાવ દરેક વ્યક્તિ માટે મહત્વપૂર્ણ છે કારણ કે જૂઠું બોલનાર વ્યક્તિ કંઈપણ બોલતી વખતે બિનજરૂરી રીતે સ્મિત કરે છે.

આજકાલ લોકો એટલા હોંશિયાર થઈ ગયા છે કે લોકો અસત્યને સત્ય સમજાવાનું કામ કરવા લાગે છે. તેથી જ આ બાબતમાં તમારી સમજણ સૌથી મહત્વપૂર્ણ છે. 

કેટલાક લક્ષણો છે, જેને ધ્યાનમાં રાખી શકાય. જૂઠું બોલતી વખતે વ્યક્તિની પાંપણ વારંવાર ઝબકી જાય છે અને જૂઠું બોલતી વખતે તેની આંખોનો રંગ બદલાઈ જાય છે. જૂઠું બોલનાર કાં તો ખૂબ જોરથી બોલે છે અથવા તો ખૂબ ધીમેથી બોલે છે.  જો કોઈ વ્યક્તિ વાત કરતી વખતે વારેવારે નાક ખંજવાળે તો સમજી લેવું કે તે જૂઠું બોલવાની કોશિશ કરી રહ્યો છે.

જૂઠું બોલવાનું ટાળવું ખૂબ જ મુશ્કેલ છે કારણ કે આખી દુનિયામાં ભાગ્યે જ કોઈ એવી વ્યક્તિ હશે જેણે કોઈ ખોટું ન બોલ્યું હોય. કેટલાક લોકોને ખોટું બોલવાની આદત હોય છે. જ્યાં જૂઠ બોલવાની જરૂર નથી ત્યાં પણ તેઓ જૂઠું બોલે છે. કેટલાક લોકો સંજોગોને કારણે જૂઠું બોલે છે. જૂઠું બોલવું એ ખૂબ જ ખરાબ આદત છે. પણ આ રીતે તમે જાણી શકો છો કે કોણ તમને વાતોમાં ફસાવી રહ્યું છે.