મોજ ડેમમાં સતત ૪૮ કલાકથી પાણીની આવક જોરદાર હોવાથી મોજ ડેમના તમામ ૨૭ દરવાજા આઠ ફૂટ ખોલાતા મોજ નદી ગાંડી થઈ હતી. આ પાણી ઉપલેટામાં મોજ નદીને કાંઠે બિરાજતા સોમનાથ મહાદેવના મંદિરમાં તેમજ નદી કાંઠાના ખેતરોમાં અને પાનેલી વિસ્તારના ગામોના ઘરમાં ઘૂસી ગયા હતા ત્યારે પંકની જાત માહિતી માટે મામલતદાર મહેશ ધનવાણી અને ટીડીઓ પરમાર મોટી પાનેલી, ખારચિયા, દહફોડી, સમઢિયાળા અને તલંગણા ગામ પહોંચી ગયા હતા પ્રથમ તસવીરમાં મોજ નદીના કાંઠે આવેલા સોમનાથ મહાદેવના મંદિરમાં પાણી ઘૂસ્યા બીજી તસવીરમાં મોજ નદી બેકાંઠે જઈ રહી છે. ત્રીજી તસવીરમાં પાનેલી ગામે પછાત વિસ્તારમાં ઘરોમાં પાણી ઘૂસી ગયા છે. ચોથી તસવીરમાં પાનેલી પાસે આવેલ ફુલઝર ડેમ ઓવરફલો થતાં અધિકારીઓ ઘટના સ્થળે જઈ નિરીક્ષણ કરેલ હતું.