જામનગર શહેરના ત્રણ બતી ચોક, કલ્પના હોટલ તથા રામડેરીવાળી મિલ્કતના અંદરના કમ્પાઉન્ડમાં આવેલ હાજી મામદ તથા હાજી હાસમ પીરમામદ મુસાફરખાના વકફની માલિકીના ત્રણ મકાનો પૈકી એક મકાનમાં સમીર ઐયુબ વહેવારીયાત તથા અન્ય બે મકાનોનો કબજો ઇસ્માઇલ અબુ આરબ પાસેથી ગુજરાત રાજય વકફ ટ્રીબ્યુનલ, ગાંધીનગરના આદેશ મુજબ કલેકટર, જામનગર મારફત સીટી સર્વે સુપ્રિન્ટેન્ડેન્ટ શહેર વિભાગ-ર દ્વારા કાયદાનુસારની કાર્યવાહી કરી બંને કબજેદારો પાસેથી મિલકતોનો ખાલી કબજો મુસાફરખાના વકફના કારોબારી અધિકારી વકીલ હાજી હસન ભંડેરીને સોંપવામાં આવતાં, અન્ય કબજેદારો તેમજ વકફની મિલકતોમાં ગેરકાયદેસરકબજો ધરાવનારા લોકોમાં ગભરાહટ અને ચિંતા પ્રસરેલ છે.


આ કાર્યવાહી દરમ્યાન પંચો સર્વે યાકુબ વહેવારીયા, અખ્તર હુશેન વાગીન્દા, (મુન્નાભાઇ બાદશાહ) પ્યારઅલી સમનાણી, વસીમભાઇ દરજાદા, હાજી ઇબ્રાહીમ સોલંકી વિગેરે હાજરી આપેલ. નવા વકફ કાયદા મુજબ વકફની મિલકતોની સુરક્ષા માટે સરકાર દ્વારા નિયુકત ગુજરાત રાજય વકફ ટ્રીબ્યુનલ સમક્ષ મુસાફરખાનાની મિલકતમાં રહેલા અન્ય કબજેદારોમાં ભય, ગભરાહટ વ્યાપી ગયેલ છે. 
​​​​​​​