વિરાટ કોહલી પોતાની ટીમ ઈન્ડિયાના સાથી ખેલાડીઓ સાથે મેદાન પર મસ્તી કરવા માટે જાણીતો છે અને તેમના ડાન્સ વીડિયો સોશિયલ મીડિયા પર વારંવાર વાયરલ થતા રહે છે. બુધવારે ચેન્નાઈમાં ભારત અને ઓસ્ટ્રેલિયા વચ્ચેની ત્રીજી ODI દરમિયાન વિરાટ કોહલી ફરી એકવાર ડાન્સ કરતો જોવા મળ્યો હતો અને તેના ડાન્સનો વીડિયો સોશિયલ મીડિયા પર વાયરલ થઈ રહ્યો છે.

આ વખતે વિરાટ કોહલીએ શાહરૂખ ખાનની ફિલ્મ ચેન્નાઈ એક્સપ્રેસના ગીત લુંગી ડાન્સ પર પોતાનું ડાન્સ કૌશલ્ય બતાવ્યું. વિરાટની સાથે રવિન્દ્ર જાડેજા પણ મસ્તીમાં જોડાયો હતો. આ દરમિયાન આખી ટીમ મસ્તીના મૂડમાં જોવા મળી હતી.

બુધવારે ચેન્નાઈના એમએ ચિદમ્બરમ સ્ટેડિયમમાં ભારત સામેની ત્રીજી વનડેમાં ઓસ્ટ્રેલિયાના કેપ્ટન સ્ટીવ સ્મિથે ટોસ જીતીને પ્રથમ બેટિંગ કરવાનો નિર્ણય લીધો હતો. જોકે, હાર્દિક પંડ્યા અને કુલદીપ યાદવની આગેવાનીમાં ભારતે ઓસ્ટ્રેલિયાને મોટો સ્કોર કરવા દીધો ન હતો.