સોશિયલ મીડિયા ઉર્ફી જાવેદ તેની ડ્રેસિંગ સેન્સના કારણે ચર્ચામાં રહે છે હાલમાં અભિનેત્રી મુશ્કેલીમાં હોય તેવું લાગી રહ્યું છે. હકીકતમાં, ઉર્ફી જાવેદને શનિવારે મુંબઈ પોલીસે ભાજપ મહારાષ્ટ્ર મહિલા મોરચાના અધ્યક્ષ ચિત્રા કિશોર વાઘની ફરિયાદને લઈને પૂછપરછ માટે બોલાવી હતી. ભાજપના નેતાએ અગાઉ અભિનેત્રી ઉર્ફી વિરુદ્ધ મુંબઈની શેરીઓમાં 'અંગ પ્રદશન' બદલ ફરિયાદ નોંધાવી હતી. તાત્કાલિક પગલાં લેવાની વિનંતી કરતાં, ભાજપના નેતાએ એમ પણ કહ્યું હતું કે જાહેર સ્થળે ઉર્ફીના શરીરનું પ્રદર્શન સોશિયલ મીડિયા પર એક વિષય બની ગયું છે.

મુંબઈ પોલીસે ઉર્ફીને પૂછપરછ માટે બોલાવ્યો છે

ન્યૂઝ એજન્સી એએનઆઈ અનુસાર, મુંબઈ પોલીસે કહ્યું કે ભાજપના નેતા દ્વારા લગાવવામાં આવેલા આરોપો બાદ શનિવારે ઉર્ફી જાવેદને પૂછપરછ માટે બોલાવવામાં આવ્યા છે. તેના ફરિયાદ પત્રમાં ચિત્રા વાઘે લખ્યું છે કે, "કોઈએ કલ્પના પણ કરી ન હતી, બંધારણ દ્વારા બાંયધરી આપેલ વિચારની સ્વતંત્રતા આવા વિધ્વંસક વલણમાં પ્રગટ થશે... જો તેણી તેના શરીરને પ્રદર્શિત કરવા માંગતી હોય, તો તે ચાર દીવાલોની પાછળ કરે. પરંતુ અભિનેત્રીને ખબર નથી કે તે સમાજના વિકૃત વલણને વેગ આપી રહી છે."

ઉર્ફીએ ફરિયાદનો જવાબ આપ્યો

ઉર્ફીએ પણ સોશિયલ મીડિયા પર ફરિયાદનો જવાબ આપ્યો, અને ઇન્સ્ટાગ્રામ સ્ટોરીઝ પર લખ્યું, "આ એ જ મહિલા છે જે સંજય રાઠોડની ધરપકડ માટે બૂમો પાડી રહી હતી, જ્યારે તે NCPમાં હતી ત્યારે તેનો પતિ લાંચ લેતા પકડાયો હતો. પોતાના પતિને બચાવવા તે ભાજપમાં જોડાઈ અને ત્યાર બાદ સંજય કે ચિત્રા ખૂબ સારા મિત્રો બની ગયા. હું પણ હમણાં જ ભાજપમાં જોડાવા જઈ રહી છુ. તેથી અમે શ્રેષ્ઠ મિત્રો બનીશું.

ઉર્ફીએ ચિત્રા વાઘ વિરુદ્ધ ફરિયાદ નોંધાવી છે

જણાવી દઈએ કે ઉર્ફીએ મહારાષ્ટ્ર મહિલા આયોગમાં બીજેપી નેતા ચિત્રા કિરોશ વાઘ વિરુદ્ધ પણ ફરિયાદ કરી છે. તેણે 'અભદ્ર' ડ્રેસિંગ સેન્સ પર ટિપ્પણી કરવા બદલ ચિત્રા વિરુદ્ધ ફરિયાદ કરી છે. આ માહિતી ઉર્ફીના વકીલ નીતિન સાતપુતેએ આપી હતી.