સાંસદ બ્રિજભૂષણ સિંહને મળી આંશીક રાહત, પોક્સો એક્ટ હેઠળ નોંધાયેલી ફરિયાદ પાછી ખેચાઇ

બ્રિજભૂષણ સિંહની ફરિયાદ લઇ બજરંગ, સાક્ષી અને વીનેશ પહોચ્યા અમિત શાહના ઘરે

છેલ્લા કેટલાક મહિનાઓથી રેસલિંગ ફેડરેશનના પ્રમુખ બ્રિજભૂષણ શરણ સિંહ સામે કુસ્તીબાજોએ મોરચો ખોલ્યો છે. મહિલા કુસ્તીબાજો બ્રિજ ભૂષણની ધરપકડની માંગ કરી રહી છે, પણ હવે એક સગીર મહિલા રેસલર તેના નિવેદનથી પીછેહઠ કરી છે. તેણીએ બ્રિજભૂષણ શરણ સિંહ પર લાગેલા આરોપો પાછા ખેંચી લીધા છે.

દિલ્હીના જંતર-મંતર પર મહિલા કુસ્તીબાજોના ધરણામાં રાજકારણ ઉગ્ર બન્યું છે. રેસલરે બ્રિજભૂષણ શરણ સિંહ પર યૌન શોષણનો આરોપ બાદ દિલ્હી પોલીસમાં કેસ નોંધવામાં આવ્યો હતો. સગીર મહિલા રેસલરની ફરિયાદ પર દિલ્હી પોલીસે બીજેપી સાંસદ બ્રિજભૂષણ શરણ સિંહ વિરુદ્ધ પોક્સો એક્ટ હેઠળ કેસ નોંધ્યો હતો. હવે સૂત્રોને મુજબ અહેવાલ છે કે સગીર મહિલા કુસ્તીબાજે તેનું નિવેદન પાછું ખેચ્યું છે.

સૂત્રોના જણાવ્યા અનુસાર, 2 જૂનના રોજ સગીર મહિલા રેસલરે પટિયાલા હાઉસ કોર્ટમાંથી પોતાની ફરિયાદ પાછી ખેંચી લીધી છે. સગીર કુસ્તીબાજ સાથે પિતા અને દાદા બંને કોર્ટમાં હાજર હતા. સગીર કુસ્તીબાજએ તેની ફરિયાદ પાછી ખેંચવા માટે કનોટ પ્લેસ પોલીસ સ્ટેશનમાં તેના પિતા અને દાદા સાથે નિવેદનો નોંધ્યા હતા. જે બાદ તેણે કોર્ટમાં મેજિસ્ટ્રેટની સામે નિવેદન નોંધીને પોતાની ફરિયાદ પાછી ખેંચી લીધી હતી.

ત્યારે હવે કુસ્તીબાજો છેલ્લો દાવ લગાવવાની તૈયારી કરી લીધી છે. અત્યાર સુધી પંચાયત દ્વારા ખેડૂતો સંગઠનો એક ન થતાં હવે કુસ્તીબાજોએ મહાપંચાયત જાતે જ યોજવાનું નક્કી કર્યું છે. ઓલિમ્પિક મેડલ વિજેતા બજરંગ પુનિયાએ હરિયાણાના મુંડલાના, ગોહાના, સોનેપતમાં કિસાન યુનિયનના ચધુની જૂથ દ્વારા આયોજિત પંચાયતમાં સ્પષ્ટપણે કહ્યું કે લડાઈને અંત સુધી લઈ જવામાં આવશે.

ખેડૂત સંગઠનો અને નેતાઓએ આગળ આવીને કુસ્તીબાજોની લડાઈને સમર્થન આપ્યું હતું, પરંતુ લડાઈ નિર્ણાયક બિંદુ સુધી પહોંચી શકી નથી. ખેડૂત આગેવાનો અને પંચાયતો પણ અલગ-અલગ તેમના સમર્થનની બોલ્યા તો ખરી, પરંતુ એક થઈ શક્યા નહીં. આવી સ્થિતિમાં અલગ-અલગ પ્લેટફોર્મ પર નિર્ણયો લેવામાં આવ્યા, પરંતુ મોટા નિર્ણયો લઈ શક્યા નહીં.

મુંડલાણા દ્વારા આયોજિત સમર્થન પંચાયતમાં પહોંચેલા બજરંગ પુનિયાએ મંચ પરથી કહ્યું કે હવે અમે અમારી પંચાયત એટલે કે કુસ્તીબાજોને બોલાવીશું, જેમાં તમામ સંસ્થાઓને આમંત્રિત કરવામાં આવશે. આ પંચાયતમાં મોટો નિર્ણય લેવામાં આવશે. એવું માનવામાં આવે છે કે કુસ્તીબાજો ખેડૂત જૂથોના સંઘર્ષને આંદોલનથી દૂર રાખવા માંગે છે. ખેડૂત આંદોલનમાં જ ખેડૂતો ટિકૈત જૂથ અને ચધુની જૂથમાં વહેંચાયેલા જોવા મળ્યા હતા. આવી સ્થિતિમાં હવે કુસ્તીબાજો નથી ઈચ્છતા કે આનાથી તેમની મૂવમેન્ટ પર કોઈ અસર પડે. જેથી તેમણે પોતાના નેતૃત્વમાં મહાપંચાયત યોજવાનો નિર્ણય લીધો હોય તેવું અનુમાન છે.

બજરંગ પુનિયાએ પહેલા કહ્યું કે, સમર્થન પંચાયતમાં અત્યારે કોઈ મોટો નિર્ણય લેવો જોઈએ નહીં. તેની આ વાત પર બધા ચોંકી ગયા. મુંડલાણાની પંચાયતમાં મોટો નિર્ણય લેવામાં આવી શકે છે તેવું પહેલાથી જ કહેવામાં આવ્યું હતું. જો કે, આ બાદ તેમણે કહ્યું કે બધાએ એક થઈને કુસ્તીબાજોની મહાપંચાયતમાં આવવું જોઈએ. ત્યાં પણ બધા મળીને સર્વાનુમતે મોટો નિર્ણય લેશે. એકલા રહીને યુદ્ધ જીતી શકાતું નથી. આ સન્માનની લડાઈ છે.

બજરંગ પુનિયાએ ફોરમને કહ્યું કે 28 મે અને 30 મેની ઘટનાઓની સાક્ષી મલિક અને વિનેશ ફોગાટ અને અન્ય મહિલા કુસ્તીબાજો પર ખરાબ અસર પડી હતી. ભાંગી પડેલી દીકરીઓનું પરિવારનું ધ્યાન રાખવું પડે છે. પરિવારનો એક સભ્ય હંમેશા તેમની સાથે હોય છે.
​​​​​​​

આ મામલે શનિવારના રોજ ઓલિમ્પિયન બજરંગ પુનિયાએ જણાવ્યું હતું કે તેઓ મોડી સાંજે દિલ્હીમાં ગૃહ પ્રધાન અમિત શાહને તેમના ઘરે મળ્યા હતા. સૂત્રોનું કહેવું છે કે રાત્રે 11 વાગ્યે શરૂ થયેલી મીટિંગ બે કલાકથી વધુ ચાલી હતી અને તેમાં પુનિયા, વિનેશ ફોગટ, સાક્ષી મલિક, સંગીતા ફોગાટ અને સત્યવર્ત કાદિયન હાજર હતા.

કુસ્તીબાજોએ એક સગીર સહિત સાત મહિલા કુસ્તીબાજો દ્વારા જાતીય સતામણીનો આરોપ મૂકનાર બ્રિજભૂષણ શરણ સિંહ સામે નિષ્પક્ષ તપાસ અને ત્વરિત કાર્યવાહીની માંગ કરી હતી. ત્યારે અમિત શાહે કુસ્તીબાજોને આશ્વાસન આપ્યું કે કાયદો બધા માટે સમાન છે, કાનૂનને પોતાની રીતે કામ કરવા દો.