ઈન્સ્ટન્ટ બ્લોગિંગ પ્લેટફોર્મ ટ્વિટરની સેવાઓ આજરોજ અચાનક જ ખોરવાઈ ગઈ છે. યુઝર્સને ટ્વીટ રિફ્રેશ કરવામાં મુશ્કેલી પડી રહી છે.  ટાઈમલાઈન પર પોસ્ટ એક્સેસ કરવામાં પણ મુશ્કેલીનો સામનો કરવો પડી રહ્યો છે.
 

Down Detector એ પણ ટ્વિટર ડાઉનની પુષ્ટિ કરી છે. Down Detector અનુસાર, સાંજે 4 વાગ્યાની આસપાસ ઘણી વધુ ફરિયાદો નોંધવામાં આવી હતી. મોટાભાગના યુઝર્સને એપ્લિકેશન પર તેમની ફીડ લોડ કરવામાં મુશ્કેલીનો સામનો કરવો પડી રહ્યો છે જ્યારે અન્ય લોકોને વેબસાઇટ અને સર્વર કનેક્શનમાં સમસ્યાઓનો સામનો કરવો પડી રહ્યો છે.

ટ્વિટરની સર્વિસ પાંચ દિવસ પહેલા ડાઉન થઈ ગઈ હતી, જે રાત્રે 10 વાગ્યા પછી થઈ હતી. ટ્વિટરે હજુ સુધી નવા ડાઉન અંગે કોઈ નિવેદન જાહેર કર્યું નથી. દરમિયાન, ઘણા ટ્વિટર યુઝર્સ પ્લેટફોર્મ પર મીમ્સ સાથે આઉટેજ વિશે ફરિયાદ કરી રહ્યા છે.

Down Detector મુજબ, 4 p.m. થી 4,446 Twitter ડાઉન ફરિયાદો નોંધાઈ છે. એપ તેમજ વેબ બ્રાઉઝર પર યુઝર્સને સમસ્યાનો સામનો કરવો પડી રહ્યો છે. Down Detector અનુસાર, મોટાભાગના યુઝર્સને એપમાં ટ્વીટ જોવામાં તકલીફ પડી રહી છે. યુઝર્સને ટાઈમલાઈન પર પોસ્ટ એક્સેસ કરવામાં પણ મુશ્કેલીનો સામનો કરવો પડી રહ્યો છે.