મુંબઈના છત્રપતિ શિવાજી મહારાજ ઈન્ટરનેશનલ એરપોર્ટને પર ધમકીભર્યો ફોન આવ્યો છે, જે બાદ એરપોર્ટ પર સુરક્ષા વધારી દેવામાં આવી છે. ઇન્ડિયન મુજાહિદ્દીન નામના આતંકવાદી સંગઠન તરફથી એરપોર્ટ સેન્ટર પર આ ધમકીભર્યો ફોન આવ્યો હોઅવાના સમાચાર છે, જેના પછી મુંબઈ પોલીસ સહિતની એજન્સીઓ એલર્ટ મોડ પર આવી ગઈ છે.

સોમવારે રાત્રે અંદાજીત 10 વાગ્યે એરપોર્ટ સેન્ટર પર જ ધમકી ભર્યો કોલ આવ્યો હતો. કોલ કરનાર વ્યક્તિએ પોતાનું નામ ઈરફાન અહેમદ શેખ જણાવ્યુ અને કહ્યું કે તે ઈન્ડિયન મુજાહિદ્દીન નામના આતંકી સંગઠનનો સભ્ય છે. 

એરપોર્ટ સેન્ટરના સભ્યએ આ અંગે મુંબઈ પોલીસને જાણ કરી હતી. માહિતી મળ્યા બાદ એરપોર્ટની તમામ એજન્સીઓને એલર્ટ કરી દેવામાં આવી હતી. પોલીસે આ અજાણ્યા વ્યક્તિ સામે IPCની કલમ 505(1) હેઠળ ગુનો નોંધીને તપાસ શરૂ કરી છે.