વીડિયોમાં શેખ હસીનાના પુત્ર સજીબ વાઝેદ જોયે કહ્યું કે મારી માતા (શેખ હસીના)નો જીવ બચાવવા માટે વડાપ્રધાન નરેન્દ્ર મોદીની સરકારના તુરંત પગલાં બદલ હું વ્યક્તિગત આભાર માનું છું. હું હંમેશા તેમનો આભારી રહીશ. તેમણે કહ્યું  મારો બીજો સંદેશ એ છે કે ભારતે વિશ્વમાં નેતૃત્વની ભૂમિકા ભજવવી જોઈએ અને અન્ય વિદેશી શક્તિઓને પરિસ્થિતિને નિયંત્રિત કરવાની મંજૂરી આપવી જોઈએ નહીં. જોયે કહ્યું કારણ કે બાંગ્લાદેશ ભારતનો પાડોશી છે. આ ભારતનો પૂર્વ ભાગ છે. અમારી સરકારે બાંગ્લાદેશમાં શાંતિ જાળવી રાખી હતી. તે એક સાબિત ટ્રેક રેકોર્ડ છે કે શેખ હસીનાની સરકારે બાંગ્લાદેશમાં શાંતિ જાળવી રાખી છે તેનો કોઈ ઇન્કાર કરી શકતું નથી. આર્થિક વિકાસ જાળવી રાખ્યો અને દેશમાં વધી રહેલા ઉગ્રવાદને પણ અટકાવ્યો. અમે એકમાત્ર સરકાર છીએ જેણે સાબિત કર્યું છે કે અમે આ કરી શકીએ છીએ. અન્ય સરકારોએ પ્રયાસ કર્યો છે. તેઓ નિષ્ફળ ગયા છે.

વિઝા રદ કરવાની વાતને ફગાવી દીધી

સજીબે વિઝા રદ કરવા અંગેના મીડિયા અહેવાલોને પણ નકારી કાઢ્યા હતા અને કહ્યું હતું કે અવામી લીગના નેતાના વિઝા કોઈએ રદ કર્યા નથી અને ન તો તેણે ક્યાંય રાજકીય આશ્રય માંગ્યો છે. શેખ હસીનાના પુત્રએ કહ્યું, કોઈએ તેમનો વિઝા કેન્સલ કર્યો નથી. તેણે ક્યાંય રાજકીય આશ્રય માટે અરજી કરી નથી. આ બધી અફવાઓ છે. જો કે  તેણે શેખ હસીનાનો જીવ બચાવવા માટે પીએમ નરેન્દ્ર મોદીનો આભાર પણ વ્યક્ત કર્યો.

બાંગ્લાદેશમાં નવી સરકાર ગેરબંધારણીય છે

ગુરુવારે બાંગ્લાદેશમાં વચગાળાની સરકારે શપથ લીધા. મોહમ્મદ યુનુસના નેતૃત્વમાં સરકારની રચના કરવામાં આવી છે, જેને શેખ હસીનાના પુત્રએ ગેરબંધારણીય જાહેર કરી છે, કારણકે બાંગ્લાદેશનું બંધારણ જણાવે છે કે બિનચૂંટાયેલી સરકાર સત્તામાં રહી શકતી નથી. તેમણે કહ્યું કે આપણું બંધારણ કહે છે કે બિનચૂંટાયેલી સરકાર એક મિનિટ પણ દેશ ચલાવી શકતી નથી. તેથી બાંગ્લાદેશમાં લોકશાહી નથી. આ નિયમ કહે છે કે સંસદ ભંગ થયાના 90 દિવસની અંદર નવી ચૂંટણીઓ થવી જોઈએ.