દુનિયા વિચિત્ર વસ્તુઓથી ભરેલી છે. ક્યાંક કોઈ સૌથી મોંઘા કપડાં બનાવી રહ્યું છે તો કોઈ પાસે દુનિયાનું સૌથી આલીશાન ઘર છે. હવે કોઈ કહે સાબુ માટે તમારે ૧૦-૨૦ રૂપિયાના બદલે લાખો ખર્ચવાના થાય તો ? દુનિયાના સૌથી મોંઘા સાબુને બનાવવા માટે જેટલો ખર્ચ થાય છે તેટલી જ રકમમાં તમે નવો આઈફોન ખરીદી શકાય.

આ સાબુ લેબનોનના ત્રિપોલીમાં તૈયાર કરવામાં આવે છે. તેની કિંમત ૨,૮૦૦ ડોલર એટલે કે અંદાજે ૨,૦૭,૮૦૦ રૂપિયા છે. આ કંપની ૧૫મી સદીથી સાબુ બનાવે છે. બદ્ર હસન એન્ડ સન્સ દ્વારા બનાવેલા હાથથી બનાવેલા ખાન અલ સબાઉન સાબુએ જણાવ્યું હતું કે તેઓ લાભદાયી આવશ્યક તેલ અને કુદરતી સુગંધ ધરાવતા વિવિધ વૈભવી સાબુઓનું ઉત્પાદન કરે છે.

આ હાથથી બનાવેલા લક્ઝરી સાબુ યુએઈની કેટલીક સૌથી સ્પેશીયલ દુકાનોમાં વેચાય છે. જો કે, કંપની દ્વારા વેચવામાં આવતી સૌથી મોંઘી પ્રોડક્ટ માત્ર ખૂબ જ મહત્વપૂર્ણ લોકો અને અન્ય ખાસ મહેમાનોને જ ઓફર કરવામાં આવે છે. અહેવાલો અનુસાર, આ સાબુ સૌપ્રથમ ૨૦૧૩માં બનાવવામાં આવ્યો હતો, જે કતારની પ્રથમ મહિલાને ભેટમાં આપવામાં આવ્યો હતો. સાબુનો સૌથી મોંઘો બાર સોના અને હીરાના પાવડરથી બનેલો છે.
​​​​​​​

આ સાબુનો એક વિડીયો હાલ વાઈરલ થયો છે, બદર હસન એન્ડ સન્સના સીઈઓ અમીર હસન બહેરીની એક્ટર અને ઈન્સ્ટાગ્રામ સુપરસ્ટાર શૈલા સબતને દુનિયાનો સૌથી મોંઘો સાબુ ઓફર કરતા જોવા મળે છે. વીડિયોમાં દેખાતા સાબુ પર ૨૪ કેરેટ સોનાનો ઢોળ ચડાવવામાં આવ્યો છે. ૨૦૧૫ માં, પ્રથમ વખત વિશ્વના સૌથી મોંઘા સાબુ વિશે અહેવાલ મળ્યો હતો. સોના અને હીરાના પાવડરને કારણે, સાબુના વૈભવી બારમાં રફ ટેક્સચર હતું, પરંતુ અમીર હસને સ્પષ્ટતા કરી કે તે નુકસાન કરતું નથી અને ત્વચા પર કઠોર પણ નથી.