ભારતીય જનતા પાર્ટીની રાષ્ટ્રીય કાર્યકારિણી બેઠકના બીજા દિવસે વડાપ્રધાન નરેન્દ્ર મોદીએ આગામી ચૂંટણીની રણનીતિ પર વાત કરી. બેઠકમાં વડાપ્રધાન મોદીએ તમામ ધર્મોના વર્ગો સુધી પહોંચવાની અને સરકારની યોજનાઓને તેમની વચ્ચે લઈ જવાની વાત કરી. ભાજપના નેતાઓને સૂચના આપતા મોદીએ કહ્યું કે આપણી મહેનતમાં કોઈ કમી ન હોવી જોઈએ.

રાષ્ટ્રીય કાર્યકારિણીની બેઠકમાં વડાપ્રધાન મોદીએ કહ્યું કે, આપણે સરકારની નીતિઓને બોહરા, પસમંદા મુસ્લિમો અને શિક્ષિત મુસ્લિમો સુધી લઈ જવાની છે. આપણે સમાજના તમામ ભાગો સાથે જોડાવાનું છે અને તેને આપણી સાથે જોડવાનું છે.” તેમણે પદાધિકારીઓને કહ્યું કે સમાજના તમામ વર્ગો સુધી પહોંચવું એ પ્રાથમિકતા હોવી જોઈએ.

વડાપ્રધાને કહ્યું- ભારતનો શ્રેષ્ઠ સમયગાળો આવવાનો છે. આપણે ભારતના આ શ્રેષ્ઠ સમયના સાક્ષી બની શકીએ છીએ, આ માટે આપણા પ્રયત્નોમાં કોઈ કમી ન હોવી જોઈએ. 

પીએમએ કહ્યું કે આગામી લોકસભા ચૂંટણી માટે 400 દિવસ બાકી છે. આવા સંજોગોમાં પાર્ટીના પદાધિકારીઓ અને દરેક કાર્યકર્તાએ દરેક મતદારોને મળવા માટે ઘરે-ઘરે જવું પડે છે.

તેમણે કહ્યું, "ભાજપ હવે માત્ર એક રાજકીય પક્ષ નથી રહ્યો, પરંતુ તે એક સામાજિક સંગઠનમાં પણ પરિવર્તિત થઈ ગયો છે."