સબવે તેના ગ્રાહકો માટે એક શાનદાર ઓફર લઈને આવ્યું છે. પરંતુ આ ઓફર મેળવવા માટે તમારે કંપનીની આ શરત પૂરી કરવી પડશે. કંપની ઇચ્છે છે કે તેનું નામ સબવેથી બદલીને કંઈક બીજું કરવામાં આવે. આ માટે તે તેના ગ્રાહકો દ્વારા સૂચવેલા નામ પર વિચાર કરશે.

તમે સબવેનું નામ તો સાંભળ્યું જ હશે. વિશ્વની સૌથી મોટી ફાસ્ટ ફૂડ ચેઇન. જ્યાં બર્ગર, સેન્ડવીચ, પિઝા અને બીજી ઘણી વસ્તુઓ ખાવા માટે ઉપલબ્ધ છે. હવે આ કંપની પોતાનું નામ બદલવાનું વિચારી રહી છે. એટલે કે કંપની ઇચ્છે છે કે તેનું નામ સબવેથી બદલીને કંઈક બીજું કરવામાં આવે. આ માટે કંપનીએ પોતાના ગ્રાહકોને સારી ઓફર આપી છે. જેમાં જો તમે કાયદેસર રીતે કંપનીનું નામ બદલીને સારું નામ સૂચવી શકો છો તો સબવે તમને જીવનભર ફ્રી સેન્ડવીચ ખવડાવશે. આ સિવાય કંપની નામ બદલવા માટે 62,000 રૂપિયાની કાનૂની ફી પણ ચૂકવશે.

સબવે તેના ચાહકો દ્વારા આપવામાં આવેલા સૂચનોને ધ્યાનમાં રાખીને આ વખતે તેનું નામ રાખવા માંગે છે. આ કંપનીના ઘણા બ્રાન્ડ લવર્સ છે અને આખી દુનિયા તેમના બર્ગર માટે દીવાના છે. હરીફાઈમાં ભાગ લેવા માટે રસ ધરાવનાર કોઈપણ વ્યક્તિ SubwayNameChange.com પર સાઇન ઇન કરી શકે છે. તમારે આ પોર્ટલ પર 1લી ઓગસ્ટથી 4ઠ્ઠી ઓગસ્ટ દરમિયાન નામના સૂચનો મોકલવાના રહેશે. સેન્ડવીચ પ્રેમીઓ માટે ફાસ્ટ ફૂડ ચેઈન 'સબવે'ની આ બેંગ ઓફર અદ્ભુત છે તો તમે શેની રાહ જોઈ રહ્યા છો જલ્દી કરો અને તમારું નસીબ અજમાવો.

આ પહેલીવાર નથી જ્યારે સબવે કંપની તેના ગ્રાહકોને સેન્ડવિચ ઓફર કરી રહી છે. વર્ષ 2022 માં પણ આ ફૂડ ચેન દ્વારા ફ્રી સેન્ડવીચ ઓફર કરવામાં આવી હતી. આ ઓફર હેઠળ લોકોએ પોતાના શરીર પર ટેટૂ કરાવવાનું હતું.