મુસાફરોની સુવિધાને ધ્યાનમાં રાખીને, પશ્ચિમ રેલવેએ રાજકોટ-પોરબંદર અને પોરબંદર-રાજકોટ સમર સ્પેશિયલ ટ્રેનો ના ફેરા સમાન રચના, સમય અને રૂટ પર લંબાવવાનો નિર્ણય લીધો છે. રાજકોટ ડિવિઝનના સિનિયર ડીસીએમ સુનિલ કુમાર મીના ના જણાવ્યા અનુસાર, ટ્રેન નંબર 09595/09596 રાજકોટ-પોરબંદર-રાજકોટ સમર સ્પેશિયલ ટ્રેન (અઠવાડિયામાં 6 દિવસ મંગળવાર સિવાય) જે અગાઉ 30 જૂન, 2023 સુધી સૂચિત કરવામાં આવી હતી, તેને હવે 30 સપ્ટેમ્બર, 2023 સુધી લંબાવવામાં આવી છે. ટ્રેનના સમય, સ્ટોપેજ અને કમ્પોઝિશન સંબંધિત વિગતવાર માહિતી માટે મુસાફરો www.enquiry.indianrail.gov.in ની મુલાકાત લઈ શકે છે.