ભારતમાં આજથી ગોવામાં બે દિવસીય સંમેલનમાં શાંઘાઈ કોઓપરેશન ઓર્ગેનાઈઝેશન (SCO) દેશોના વિદેશ મંત્રીઓની યજમાની કરશે. વિદેશ મંત્રી એસ જયશંકરની અધ્યક્ષતામાં યોજાનારી આ બેઠકમાં ચીનના વિદેશ મંત્રી કિન ગેંગ, રશિયાના સર્ગેઈ લવરોવ અને પાકિસ્તાનના બિલાવલ ભુટ્ટો-ઝરદારી ભાગ લેશે.

ભુટ્ટો ઝરદારીએ ટ્વીટ કર્યું કે “હું ગોવા, ભારતના પ્રવાસે જવાનો છું. આ બેઠકમાં ભાગ લેવાનો નિર્ણય શાંઘાઈ કોઓપરેશન ઓર્ગેનાઈઝેશનના ચાર્ટર પ્રત્યે પાકિસ્તાનની મજબૂત પ્રતિબદ્ધતાને દર્શાવે છે. હું SCO CFMમાં પાકિસ્તાની પ્રતિનિધિમંડળનું નેતૃત્વ કરીશ. SCO પર વિશેષ ધ્યાન કેન્દ્રિત કરીને, મારી મુલાકાત દરમિયાન મિત્ર દેશોના સમકક્ષો સાથે સકારાત્મક સંવાદ મારા એજન્ડામાં છે.”

ભુટ્ટો ઝરદારી 2011 પછી ભારતની મુલાકાત લેનારા પ્રથમ વિદેશ મંત્રી હશે. ભુટ્ટો જે શાંઘાઈ કોઓપરેશન ઓર્ગેનાઈઝેશન (SCO) ના વિદેશ મંત્રી પરિષદ (CFM)માં પાકિસ્તાની પ્રતિનિધિમંડળનું નેતૃત્વ કરી રહ્યા છે.

વિદેશ કાર્યાલય (FO) એ કહ્યું છે કે SCO-CFMમાં ભાગ લેવા માટે પાકિસ્તાનના વિદેશ પ્રધાનને આમંત્રણ ભારતના વિદેશ પ્રધાન એસ જયશંકર દ્વારા SCOના વર્તમાન અધ્યક્ષ તરીકે આપવામાં આવ્યું હતું. પાકિસ્તાનની વિનંતી પર, ભુટ્ટો ઝરદારીને ભારતીય એરસ્પેસનો ઉપયોગ કરવા માટે ભારતીય નાગરિક ઉડ્ડયન પ્રાધિકરણ દ્વારા વિશેષ પરવાનગી આપવામાં આવી હતી.

SCOની સ્થાપના વર્ષ 2001માં થઈ હતી. SCOમાં ચીન, ભારત, કઝાકિસ્તાન, કિર્ગિસ્તાન, રશિયા, પાકિસ્તાન, તાજિકિસ્તાન અને ઉઝબેકિસ્તાન સામેલ છે. ભારત આ વર્ષ માટે જૂથની અધ્યક્ષતા કરી રહ્યું છે. ભારત અને પાકિસ્તાન 2017માં ચીન સ્થિત SCOના કાયમી સભ્ય બન્યા. આ બેઠકમાં આતંકવાદના પડકારો ઉપરાંત યુક્રેન યુદ્ધની અસરો પર પણ ચર્ચા થઈ શકે છે.

On my way to Goa, India. Will be leading the Pakistan delegation at the Shanghai Cooperation Organization CFM. My decision to attend this meeting illustrates Pakistan’s strong commitment to the charter of SCO.

During my visit, which is focused exclusively on the SCO, I look… pic.twitter.com/cChUWj9okR

— BilawalBhuttoZardari (@BBhuttoZardari) May 4, 2023