મોડી રાત્રે અટકી ગયા બાદ OpenAI ChatGPT સેવા પાછી પાટા પર આવી ગઈ છે. વિશ્વભરના વપરાશકર્તાઓને આ આઉટેજનો સામનો કરવો પડ્યો છે. ભારતમાં પણ યુઝર્સને આ સમસ્યાનો સામનો કરવો પડ્યો છે. ChatGPTએ વિશ્વની સૌથી લોકપ્રિય આર્ટિફિશિયલ ઇન્ટેલિજન્સ છે.

કંપનીએ કહ્યું છે કે, આ સમસ્યાનો ઉપાય થઈ ગયો છે. આઉટેજની સમસ્યા લગભગ એક કલાક સુધી ચાલી હતી, જેના કારણે એપ્લિકેશન વારંવાર નિષ્ફળ રહી હતી. આની અસર OpenAI પ્લેગ્રાઉન્ડ આસિસ્ટન્ટ પર પણ પડી છે. લેટેસ્ટ અપડેટમાં કંપનીએ કહ્યું છે કે, આ સમસ્યાનો ઉકેલ આવી ગયો છે.

એપ્લિકેશન અને વેબસાઇટ બંનેમાં સમસ્યા હતી

લોકોએ વૈશ્વિક આઉટેજ ટ્રેકિંગ પ્લેટફોર્મ ડાઉનડિટેક્ટર પર OpenAI ChatGPT ડાઉન હોવાની ફરિયાદ પણ કરી છે. આ પ્લેટફોર્મ પર 470 લોકોએ રાત્રે 9:45 કલાક સેવા બંધ હોવાની ફરિયાદ કરી હતી. 80 ટકા લોકો ChatGPT સંબંધિત સમસ્યાઓનો સામનો કરી રહ્યા હતા. જ્યારે 17 ટકા લોકોને વેબસાઇટ પર સમસ્યાનો સામનો કરવો પડી રહ્યો હતો. 3 ટકા એપ યુઝર્સ આ આઉટેજથી પ્રભાવિત થયા હતા.

OpenAI એ 9:21 કલાક (PDT)  ભારતીય સમયાનુસાર 9:51 કલાક IST પર સમસ્યાનો સ્વીકાર કર્યો અને કહ્યું કે તેઓ તપાસ કરી રહ્યા છે. આ સમય દરમિયાન યુઝર્સે સોશિયલ મીડિયા પ્લેટફોર્મ X પર આ વિશે ફરિયાદ કરવાનું શરૂ કર્યું. OpenAIની સેવા પહેલાથી જ આઉટેજનો ભોગ બની ચુકી છે.

હવે ફરી શરૂ થઈ ચૂકી છે સેવા

જો કે, આ વખતે કંપનીએ ઝડપ બતાવી છે અને થોડા સમયમાં આ સમસ્યાનો ઉકેલ લાવી દીધો છે. હવે તમને ChatGPT નો ઉપયોગ કરવામાં કોઈ સમસ્યા નહીં થાય. જણાવી દઈએ કે, તાજેત્તરમાં જ માઈક્રોસોફ્ટ આઉટેજ ઘણી ચર્ચામાં રહી હતી. CrowdStrikeના અપડેટ પછી, સમગ્ર વિશ્વમાં Microsoftની ઘણી સેવાઓ અટકાવી દેવામાં આવી હતી.

એરલાઇન અને બેન્કિંગ સેક્ટર પર તેની નોંધપાત્ર અસર જોવા મળી હતી. વિશ્વભરના ઘણા Windows વપરાશકર્તાઓ ડેડ બ્લુ સ્ક્રીન જોઈ રહ્યા હતા. કંપનીને આ સમસ્યા હલ કરવામાં ઘણો સમય લાગ્યો હતો. જેના કારણે વિશ્વના ઘણા વિસ્તારોમાં ફ્લાઈટ્સ ટેક ઓફ અને લેન્ડિંગ મોડી થઈ રહી હતી.