@aajkaalteam

ગુરુવારે, ઉમેશ પાલ હત્યા કેસના આરોપી અસદ અહેમદ અને ગુલામને UP STF દ્વારા એન્કાઉન્ટરમાં માર્યા ગયા હતા. આ એન્કાઉન્ટરને લઈને ઘણા લોકોમાં ખુશી જોવા મળી રહી છે. તે જ સમયે, કેટલાક લોકો આ એન્કાઉન્ટરને ષડયંત્ર ગણાવી રહ્યા છે. આ દરમિયાન બોલિવૂડની બિન્દાસ ગર્લ કંગના રનૌતે પણ પોતાની પ્રતિક્રિયા આપી છે.

એન્કાઉન્ટર બાદ અભિનેત્રી કંગના રનૌતે ટ્વીટ કર્યું છે. આ સાથે ઉત્તર પ્રદેશના સીએમ યોગી આદિત્યનાથનો એક વીડિયો શેર કરતા લખ્યું છે કે મારા ભાઈ યોગી આદિત્યનાથ જેવું કોઈ નથી. તેમજ કંગનાએ આ વીડિયોમાં લખ્યું છે કે If you are bad, than I’m yoar dad. ઉમેશ હત્યા કેસના આરોપી અસદ અને ગુલામ ગુરુવારે ઝાંસી આવ્યા હતા. અહીં સરેન્ડર કરવાને બદલે અસદે પોલીસ પર ગોળીબાર કર્યો અને જવાબી કાર્યવાહીમાં બંને માર્યા ગયા. આ સાથે કંગનાએ ઈન્સ્ટાગ્રામ સ્ટોરી પર ક્રિશનો લુક શેર કર્યો છે અને નવી આવનારી એક્શન ફિલ્મની વાત કરી છે.

કંગના ટૂંક સમયમાં પી વાસુની ફિલ્મ 'ચંદ્રમુખી 2'માં જોવા મળશે. તે બ્લોકબસ્ટર હિટ તમિલ હોરર કોમેડી ફિલ્મ 'ચંદ્રમુખી'ની સિક્વલ છે, જેમાં રજનીકાંત અને જ્યોતિકા મુખ્ય ભૂમિકામાં હતા. 'ચંદ્રમુખી 2'માં કંગના રાજાના દરબારમાં નર્તકીની ભૂમિકા ભજવશે, જે તેની સુંદરતા અને નૃત્ય કૌશલ્ય માટે જાણીતી હતી.