હવે નગરપાલિકા વિસ્તારમાં સારી સુવિધા મળે તે માટે પ્રતિનિધિ નીમવાનો નવતર પ્રયોગ હાથ ધરવામાં આવ્યો છે. દરેક નગરપાલિકામાં વોર્ડવાઇઝ બે-બે પ્રતિનિધિ નિમવામાં આવશે અને આ પ્રતિનિધિ લોકોને વધુમાં વધુ સુવિધા અને તેમના પ્રશ્નોનું નિરાકરણ લાવવાના પ્રયત્ન કરશે. લોક ફરિયાદ નિવારણ માટે આ નવતર પ્રયોગ હાથ ધરવામાં આવ્યો છે. 

નગરપાલિકા કચેરીના રીજીયનના કમિશનર ધીમંતકુમાર વ્યાસે આજકાલ સાથેની વાતચીતમાં જણાવ્યું હતું કે, લોકોને વધુમાં વધુ સુવિધા મળે અને તેમના પ્રશ્નોનું નિરાકરણ થાય તે માટે સરકારની સૂચના દ્વારા લોક પ્રતિનિધિ નિમવામાં આવશે. દરેક નગરપાલિકામાં વોર્ડ વાઇઝ બે બે લોક પ્રતિનિધિની મામા આવશે અને તે પ્રતિનિધિઓ નગરપાલિકા કચેરીમાં સંબંધિત વિભાગોને તે પ્રશ્નો રજૂ કરી તેમનું નિરાકરણ થાય તે માટેના પ્રયત્નો કરશે. સાથે જ્યાં સુધી પ્રસરણ નિરાકરણ ન થાય ત્યાં સુધી મોનિટરિંગ કરવામાં આવશે.