ભારતમાં આવેલ કુદરતી સ્થળોની સુંદરતાની સરખામણી વરસાદના મોસમમાં સ્વર્ગ સાથે કરવામાં આવે છે. ભારતમાં આ સ્થળોની મુલાકાત લેતા પ્રવાસીઓ આ તમામ સ્થળોએ ઘણા દિવસો વિતાવી શકે છે. આ વખતે તમારે પણ આમાંથી કોઈ એક જગ્યાને જોવા માટે જવું જ જોઈએ. 

મુન્નાર- મુન્નારની સુંદરતા જોવા માટે માત્ર ભારતીયો જ નહીં વિદેશી પર્યટકો પણ ખૂબ જ ઉત્સાહિત હોય છે. કેરળમાં સ્થિત મુન્નારમાં ફરવા માટે ઘણી જગ્યાઓ છે, પરંતુ ચોમાસામાં આ સ્થળની સુંદરતા વધી જાય છે. પર્વતોથી લઈને તળાવો, સાહસિક પ્રવૃત્તિઓથી લઈને પરંપરાગત શો સુધી, તમે મુન્નારમાં ઘણી વસ્તુઓનો અનુભવ કરી શકો છો.

શિલોંગ- મેઘાલયમાં સ્થિત શિલોંગની મુલાકાત લેવા માટે ચોમાસાની ઋતુ પરફેક્ટ સાબિત થઈ શકે છે. ચોમાસા દરમિયાન શિલોંગની સુંદરતા અનેક ગણી વધી શકે છે. શિલોંગને તળાવોના શહેર તરીકે પણ ઓળખવામાં આવે છે. અહીંના પાણીના ધોધ પ્રવાસીઓને આકર્ષે છે.

કુર્ગ- કર્ણાટકમાં આવેલું કુર્ગ 
સદાબહાર જંગલોથી ઘેરાયેલું છે. અહીં તમે લીલીછમ ટેકરીઓ, આકર્ષક શિખરો અને ખીણોની વચ્ચે શાંતિની ક્ષણો જીવી શકો છો. શહેરના ઘોંઘાટથી દૂર આ સ્થળ એકલા પ્રવાસ માટે પણ પરફેક્ટ સાબિત થઈ શકે છે. ચોમાસાની રોમેન્ટિક સિઝનમાં પણ તમે તમારા પાર્ટનર સાથે આ સ્થળની મુલાકાત લઈ શકો છો.